Reshje dëbore në disa qytete – për fundjavë rritje të temperaturave!
Botuar nga Flaka
Mëngjesin e sotëm pjesët perëndimore dhe veriperëndimore të vendit u përfshinë nga vala e ftohtë dhe me dëborë që kushtëzoi reshje dëbore në shumë vende. Reshjet kapluan edhe qytetet ku është formuar një shtresë e hollë dëbore.
Por, në viset malore dhe në Qendrat e Skijimit trashësia e dëborës dukshëm është rritur. Në Kodrën e Diellit dhe në Mavrovë shënohen nga 50 deri 60 centimetra trashësi të dëborës.
Nga mëngjesi i sotëm janë hequr ndalesat për automjete të rënda transportuese në rrugët Gostivar – Dega Mavrovë – Dibër dhe në rrugën Gostivar – Strazhë.
Nga Lidhja Auto-Moto e Maqedonisë informojnë se qarkullimi në rrugët shtetërore zhvillohet në kushte dimërore, në disa vende nëpër rrugë të lagështa.
Vala e fundit me reshje të dëborës, ka ndikuar në përmirësimin e ajrit në Shkup. Sipas të dhënave të platformës IQAir, Shkupi, I cili gjatë ditës së djeshme ishte qyteti më I ndotur në Evropë, gjatë së shtunën renditet në vendin e 44-të.
Gjatë festave të Krishtlindjeve ortodokse, vendi do të jetë nën ndikimin e një mase më të ngrohtë ajrore nga jugu që do të ndikojë në rritjen e temperaturave të ajrit. Moti do të jetë kryesisht I thatë dhe stabil, kurse reshje të reja priten gjatë të martës në mbrëmje dhe të mërkurën.
Botuar nga Flaka
2,8 miliardë euro në bixhoz: simptomë e një shoqërie në pasiguri – Çfarë flet sociologjia për fenomenin?
