20 vjet “Flaka e Janarit” në Gostivar

Botuar nga Flaka 18 Janar, 2025 11:02 Përditësuar

Në Gostivar u mbajt manifestimi tradicional “Flaka e Janarit” për të 20 vjet me radhë në kujtimi të Jusuf e Bardhosh Gërvallës, Kadri Zekës dhe martirëve të tjerë të kombit të rënë në altarin e lirisë pikërisht nëpër janare.

I pranishëm në këtë event ishte edhe lideri i BDI-së Ali Ahmeti i cili shtoi se fatkeqësisht, rreziqet ende ekzistojnë; armiqtë e shqiptarëve vazhdojnë të hartojnë plane të ndryshme kundër shqiptarëve. Prandaj, çdo përvjetor i heronjve tanë le të na kujtojë planet ogurzeza të armiqve dhe të na frymëzojë për të mbrojtur arritjet e kombit tonë.

“Së bashku me shumë bashkëveprimtarë të çështjes kombëtare dhe familjarë të dëshmorëve, morëm pjesë në 20-vjetorin e Akademisë solemne në kuadër të “Flakës së Janarit” në Gostivar, në nderim të veprimtarisë kombëtare të tre heronjve, Jusuf e Bardhosh Gërvalla dhe Kadri Zeka, por edhe të të gjithë dëshmorëve të kombit. Jusuf e Bardhosh Gërvalla dhe Kadri Zeka janë shembull i veprimtarisë kombëtare të shqiptarëve, që kulmoi me themelimin e Ushtrisë Çlirimtare të Kosovës. Ata luajtën një rol kyç në unifikimin e grupeve të ndryshme ilegale të kohës, duke krijuar një front të rezistencës dhe një lëvizje mbarëkombëtare të shqiptarëve në ish-Jugosllavi, që përfundimisht i solli lirinë dhe pavarësinë Republikës së Kosovës. Fatkeqësisht, rreziqet ende ekzistojnë; armiqtë e shqiptarëve vazhdojnë të hartojnë plane të ndryshme kundër shqiptarëve. Prandaj, çdo përvjetor i heronjve tanë le të na kujtojë planet ogurzeza të armiqve dhe të na frymëzojë për të mbrojtur arritjet e kombit tonë”, u shpreh Ahmeti.

Të pranishëm ishin shumë figura eminte dhe veprimtarë të kauzës kombëtare, ndërkohë që përskaj fjalimeve dhe programit artistik u ndanë edhe mirënjohje nga ana e organizatorëve.

Kujtojmë që në Gostivar për të njëzetin vit me radhë organizohet manifestimi Flaka e Janarit, një iniciativë e veprimtarit Luan Veliu.

Botuar nga Flaka 18 Janar, 2025 11:02 Përditësuar

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.