Vuçiq u mbështet nga një vajzë e cila u prezantua si studente, por doli se ajo nuk ishte studente

Botuar nga Driton Zenku 19 Shkurt, 2025 18:28

Marina Stanisiq ishte e ftuar në TV Pink së bashku me presidentin serb, Aleksandar Vuçiq dhe u prezantua si studente e Fakultetit Teknologjik-Metalurgjik të Universitetit të Beogradit.

Megjithatë, sot plenumi i studentëve të këtij fakulteti ka reaguar duke deklaruar se ajo nuk është studente e tyre.

Ata kanë bërë të ditur se Marina Stanisiq nuk është e regjistruar fare në këtë vit akademik në Universitetin e Beogradit.

“Plenumi i studentëve të Fakultetit Teknologjik-Metalurgjik të Universitetit të Beogradit në këtë mënyrë distancohet qartë dhe pa mëdyshje nga deklaratat e Marina Stanisiq, e cila është prezantuar rrejshëm si studente e Universitetit të Beogradit. E përmendura i ka filluar studimet në TMF në vitin 2022, por nuk është regjistruar për vitin akademik 2024/2025. Prandaj, pretendimi se Marina është studente, si e Fakultetit Teknologjik-Metalurgjik, ashtu edhe e Universitetit të Beogradit, nuk është i vërtetë”, kanë deklaruar ata në profilin zyrtar në Instagram.

Ata shtuan se është e qartë që qëndrimet e shprehura nuk pasqyrojnë qëndrimet e studentëve në bllokadë, por janë qëndrime personale për të cilat një individ ka të drejtë.

“Në këtë kuptim, Plenumi i studentëve të TMF-së nuk ka nevojë të distancohet më tej nga qëndrimet e përmendura. Theksojmë se askush nuk ka të drejtë të paraqitet rrejshëm si student i fakultetit tonë”, shtuan ata.

Stanisiq ishte e ftuar në këtë emision së bashku me profesorin e Fakultetit Juridik në Beograd, Vladan Petrov, dhe me studentin Milos Pavloviq.

Gjatë emisionit, në studio hyri edhe babai i saj, i cili i shtrëngoi duart me Vuçiqin dhe i tha së bijës “të përgëzoj ty dhe të gjithë studentët që nuk keni marrë para”.

Ndryshe, Marina Stanisiq para disa ditësh foli në tubimin e Vuçiqit me rastin e Sretenjës në Sremska Mitrovica. Edhe atëherë ajo u prezantua si studente e Fakultetit Teknologjik-Metalurgjik.

Botuar nga Driton Zenku 19 Shkurt, 2025 18:28

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.