Finalja e Eurovizionit sonte: Si të votoni për Shqipërinë dhe Shkodra Elektronike

Sonte mbahet finalja e madhe e edicionit të 69-të të Festivalit Europian të Këngës – Eurovizion 2025, ku 26 shtete finaliste do të garojnë për trofeun prestigjioz. Shqipëria do të përfaqësohet nga grupi Shkodra Elektronike, të cilët do të performojnë këngën “Zjerm”. Ata do të jenë të fundit në renditje, duke mbyllur natën finale në pozicionin e 26-të, që përbën edhe kodin për votim për publikun.

Kënga “Zjerm” sjell një bashkim të veçantë të elementeve moderne elektronike dhe motiveve tradicionale shqiptare, duke ofruar një interpretim autentik dhe të freskët në këtë edicion të Eurovizionit.

Finalja pritet të jetë spektakolare dhe me shumë surpriza. Fituesi i vitit të kaluar, Mimo nga Zvicra, do të rikthehet në skenë për të prezantuar projektin e tij më të ri muzikor.

Moderatorët e mbrëmjes do të jenë Hancel Bruger dhe Sandra Shtuder, të cilët do të kenë përkrahje nga ylli italian Michelle Hunziker.

Si të votoni për Shqipërinë:

Publiku shqiptar jashtë vendit mund të votojë për këngën “Zjerm” duke dërguar një SMS në numrin 54345 me kodin 26, që është kodi i Shqipërisë. Votimi nga territori i Shqipërisë nuk është i mundur.

Në Kosovë votimi është i hapur përmes faqes zyrtare www.esc.vote deri në fillimin e shfaqjes në orën 21:00.

Votimi mund të bëhet përmes telefonit, SMS, ose online me pagesë në faqen zyrtare të Eurovizionit.