Ndeshje e fortë në Korçë – Shqipëria U-14 dhe Maqedonia e Veriut ndajnë pikët

Botuar nga Drin Zenku 17 Qershor, 2025 20:55

Kombëtarja Shqiptare U-14 zhvilloi sot ndeshjen e parë miqësore kundër Maqedonisë së Veriut U-14, duke e përfunduar takimin në barazim 1-1. Sfida u zhvillua në stadiumin “Skënderbeu”, ku kuqezinjtë patën një paraqitje solide, por nuk arritën të sigurojnë fitoren.

Aleksandros Shofiti i dha avantazhin Shqipërisë në minutën e 14-të, duke shënuar një gol të bukur në pjesën e parë. Ekipi i trajnerit Francesco Vitobello e kontrolloi mirë ndeshjen në 45 minutat e para, duke mbyllur pjesën e parë me rezultatin 1-0.

Në pjesën e dytë, Maqedonia e Veriut arriti të rikthehej në lojë, duke barazuar në minutën e 56-të me golin e Davor Taneski. Momenti kyç i ndeshjes erdhi në minutën e 68-të, kur Bozhinovski u ndëshkua me karton të kuq, duke e lënë ekipin e tij me 10 lojtarë.

Shqipëria e shfrytëzoi këtë avantazh numerik, duke intensifikuar sulmet deri në fund të ndeshjes. Megjithatë, kuqezinjtë nuk arritën të gjejnë golin e fitores, duke u ndalur në një barazim që lë gjithçka të hapur për ndeshjen e dytë.

Takimi i dytë miqësor mes dy ekipeve do të zhvillohet më 19 qershor, ora 11:00, në stadiumin “SRC Biljanini Izvori” në Ohër, ku Shqipëria do të kërkojë një rezultat pozitiv për të mbyllur këtë përballje me një fitore.

Flaka

Botuar nga Drin Zenku 17 Qershor, 2025 20:55

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.