Bayern kërkon Diaz për krahun e majtë – ofertë në përgatitje

Bayern Munich ka përfshirë emrin e Luis Diaz në listën e objektivave për përforcimin e krahut të majtë të sulmit, sipas raportimeve të “Sky Sport Germany”. Klubi bavarez kërkon zëvendësues të mundshëm pas largimit të mundshëm të Leroy Sané dhe pasigurisë që rrethon të ardhmen e Kingsley Coman.

Sulmuesi kolumbian ka qenë një nga pikat kyçe të Liverpool gjatë sezonit të kaluar, por situata e tij në “Anfield” ka nisur të komplikohen. Edhe pse kontrata e tij është e vlefshme deri në vitin 2027, bisedimet për një rinovim të mundshëm janë bllokuar, dhe Liverpool është i hapur për shitje nëse merr një ofertë të përshtatshme.

Në një deklaratë për “FCF Media” në muajin mars, Diaz pranoi:
“Po flasim me klube të tjera. Po shqyrtojmë opsionet më të mira për mua dhe familjen time. Nëse qëndroj edhe dy vite në Liverpool, do jem i lumtur. Tani gjithçka varet prej tyre.”

Interesi i Bayernit për Diaz është ende në fazat e para, por mund të intensifikohet pas dështimit për të transferuar Jamie Bynoe-Gittens nga Dortmund dhe me objektivin kryesor, Nico Williams, shumë pranë Barcelonës.

Por bavarezët nuk janë të vetëm në garë:

• Barcelona e ndjek situatën nga afër, por vështirësitë financiare mund ta pengojnë për të konkurruar për një marrëveshje të kushtueshme.
• Al-Nassr, nga Arabia Saudite, është gati të bëjë një ofertë rreth 80 milionë euro, duke ofruar kushte shumë të favorshme si për klubin ashtu edhe për lojtarin.

Trajneri Vincent Kompany kërkon të shtojë shpejtësi dhe thellësi në fazën ofensive të skuadrës, dhe Luis Diaz shihet si një profil ideal për stilin e tij të lojës.

Gjithçka mbetet e hapur në javët e ardhshme të merkatos, ndërsa vendimi përfundimtar do të varet nga Liverpooli, vetë lojtari dhe forca financiare e klubeve të interesuara.

Flaka