Milani në garë të hapur për Ardon Jasharin – Tare kërkon të mbyllë marrëveshjen

Milani po përshpejton negociatat për të siguruar shërbimet e mesfushorit shqiptaro-zviceran, Ardon Jashari. Pasi mori miratimin e lojtarit, “Djalli” synon të bindë Club Bruges me një ofertë konkrete dhe ambicioze.

Sipas mediave italiane, drejtori teknik Igli Tare është në kontakt të vazhdueshëm me belgët për të mbyllur sa më parë marrëveshjen, duke evituar skenarin e negociatave të zvarritura, si ai me Charles De Ketelaere në verën e vitit 2022.

Oferta e fundit e Milanit është 30 milionë euro, plus 5 milionë në formë bonusesh, një shifër që nuk është larg nga ajo që kërkon Bruges: 35+5 milionë euro në total.

Ardon Jashari ka dhënë dritën jeshile për transferimin dhe dëshiron të veshë fanellën kuqezi, një avantazh për Milanin, që duket i qetë përballë interesit të përfolur të Borussia Dortmund.

Bruges kishte shpresuar në një garë të hapur për talentin e saj, por Milan ka marrë një pozicion të fortë për shkak të marrëveshjes personale me lojtarin. Në rast se negociatat nuk shkojnë në favor të kuqezinjve, klubi ka gati një alternativë: Javi Guerra, mesfushori i talentuar i Valencias, i vlerësuar rreth 25 milionë euro.

Për momentin, prioriteti mbetet Ardon Jashari, ndërsa Milani është i vendosur të mbyllë këtë operacion brenda ditëve në vijim për të mos humbur kohë në merkato.

Flaka