Arsimi në Çair prioriet i Izet Mexhitit

Zëvendëskryeministri i parë dhe Ministër për Mjedis Jetësor dhe Planifikim Hapësinor, z. Izet Mexhiti, sot vizitoi Shkollën Fillore “Vasill Glavinov” në Çair me ç’ rast informoi se fushata për pastrimin dhe pregatitjen e shkollave fillore për fillimin e procesit arsimor më 1 shtator janë ka përfunduar.

Sot nga afër pashë përgatitjet për nisjen e vitit të ri shkollor në Shkollën Fillore “Vasill Glavinov” në Çair, me të cilën e përmbyllëm fushatën për pastrimin gjeneral të të gjitha shkollave fillore në Komunën e Çairit. Me këtë, shkollat janë tërësisht të gatshme për të pritur nxënësit më 1 shtator’ tha Mexhiti.

Mexhiti tha se një prej karakteristikave më pozitive të kësaj shkolle është se këtu mësojnë nxënës nga të gjitha bashkësitë etnike që jetojnë në Çair – një shembull i mirë i bashkëjetesës dhe harmonisë ndëretnike.

‘Është obligim i yni që nxënësve të cilët fatmirësisht janë shumë në Komunën e Çairit, ku vetëm numri i klasës së parë është rreth 1.00 0 fëmijë t’u mundësojmë kushte sa më të mira për të mësuar dhe për t’u zhvilluar’ shtoi Mexhiti.

Gjatë kësaj vizite Mexhiti gjithashtu paralajmëroi se së shpejti do të promovon konceptin për mësim në një ndërrim, duke filluar me Shkollën Fillore “Kongresi i Manastirit”, që nga 1 shtatori.

Zëvendëkryeministri i Parë Mexhiti falënderoi udhëheqësit e shkollave fillore dhe stafin mësimor për përkushtimin e tyre maksimal që 1 shtatori të na gjejë të përgatitur për t’i pritur filloristët me dinjitet dhe respekt.