Alarm te Arsenali, Saliba mund t’i nënshtrohet operacionit – rrezikon të mungojë deri në pesë muaj
Botuar nga Drin Zenku
Arsenali mund të mbetet për një periudhë të gjatë pa një nga shtyllat e mbrojtjes së tij. William Saliba do t’i nënshtrohet ekzaminimeve të tjera mjekësore pas dëmtimit në shpinë, ndërsa operacioni konsiderohet si opsioni më i mundshëm.
Sipas raportimit të L’Équipe, mbrojtësi francez do të kryejë teste shtesë për të përcaktuar shkallën e dëmtimit, por gjasat më të mëdha janë që ai të ketë nevojë për ndërhyrje kirurgjikale.
Nëse operacioni konfirmohet, Arsenal po përgatitet për një mungesë të Salibas që mund të zgjasë nga katër deri në pesë muaj, çka do të ishte një goditje e rëndë për skuadrën në fillim të sezonit.
Ndërkohë, RMC Sport raportoi se Saliba u dëgjua duke thënë dy herë “Shpina ime ka mbaruar” (“my back is gone”) teksa largohej nga fusha me dhimbje gjatë ndeshjes ndaj Spanjës, duke shtuar shqetësimet për gjendjen e tij fizike.
Tashmë priten rezultatet e ekzaminimeve përfundimtare, të cilat do të përcaktojnë nëse mbrojtësi francez do t’i nënshtrohet operacionit dhe sa kohë do të qëndrojë jashtë fushave.
Flaka
Botuar nga Drin Zenku
2,8 miliardë euro në bixhoz: simptomë e një shoqërie në pasiguri – Çfarë flet sociologjia për fenomenin?
