Arjanit Hoxha: Deputeti i VLEN-it që u ndalua nga Shqipëria ishte produkt i votave të VMRO-së dhe LSDM-së

Zyrtari i BDI-së, Arjanit Hoxha, ka reaguar përmes një postimi publik, duke komentuar mandatin e deputetit të VLEN-it në Njësinë Zgjedhore 6 dhe duke e lidhur atë me përfaqësimin legjitim të shqiptarëve.

Sipas Hoxhës, mandati i deputetit të VLEN-it në NJZ 6 u sigurua me votat e partive maqedonase në Komisionin Shtetëror të Zgjedhjeve.

“Mandati i deputetit të VLEN-it në Njësinë Zgjedhore 6, i fituar si rezultat i bashkimit të votave në KSHZ nga partitë maqedonase VMRO-DPMNE dhe LSDM, ishte dëshmia më e qartë e shkeljes së legjitimitetit të përfaqësimit të shqiptarëve në Kuvend.”

Ai më tej deklaron se, sipas tij, kur vihet në dyshim përfaqësimi legjitim i shqiptarëve dhe mandati i deputetit lidhet me një person që “sot shpallet ‘NON GRATA’ nga shteti amë – Shqipëria”, atëherë ekziston vetëm një përfundim.

“Kush vepron kundër interesave të kombit të vet, herët a vonë përballet me pasojat.”

Në fund të reagimit të tij, Hoxha e mbyll postimin me fjalët:

“P.S. KARMA…..!”

Deklaratat e Arjanit Hoxhës përfaqësojnë qëndrimin e tij politik dhe nuk janë shoqëruar me reagim nga pala e përmendur në këtë postim.

Ndërkohë, reagimi i Hoxhës vjen pasi autoritetet shqiptare i ndaluan hyrjen në territorin e Shqipërisë deputetit të VLEN-it, Bekim Qoku. Qoku është kthyer nga pika kufitare, ndërsa në dokumentacionin përkatës masa është shënuar me kodin “Non Grata”, duke i ndaluar hyrjen në Shqipëri. Deri më tani, autoritetet shqiptare nuk kanë bërë publike arsyet zyrtare të këtij vendimi.

Në këtë kontekst, Hoxha e lidhi këtë zhvillim me mandatin e deputetit të VLEN-it, duke deklaruar:

“Kur vihet në pikëpyetje përfaqësimi legjitim i shqiptarëve dhe, njëkohësisht, mandatin e deputetit e bart dikush që sot shpallet ‘NON GRATA’ nga shteti amë – Shqipëria, atëherë mbetet vetëm një përfundim: Kush vepron kundër interesave të kombit të vet, herët a vonë përballet me pasojat.”

Ai e mbylli reagimin e tij me fjalët:

“P.S. KARMA…..!” Gazeta Flaka