Arsenali, Chelsea dhe Liverpool e ndjekin Dean Huijsen

Mbrojtësi Dean Huijsen është një nga zbulimet e sezonit në Premier League. Spanjoli 19-vjeçar, i cili u bashkua me Bournemouth nga Juventusi për 12.6 milionë paundë verën e kaluar, ka tërhequr vëmendjen e klubeve të mëdha angleze, falë paraqitjeve të tij të shkëlqyera.

Sipas TBR Football, kontrata e Huijsen përmban një klauzolë lirimi prej 55 milionë £, e cila mund të bëhet aktive në verë. Arsenali, Chelsea dhe Liverpool janë ndër skuadrat më të interesuara, por edhe Tottenham, Newcastle dhe Aston Villa po monitorojnë situatën.

Klubet evropiane si Atletico Madrid, Inter dhe Bayern Munich janë gjithashtu të interesuara për lojtarin, me bavarezët të magjepsur veçanërisht nga talenti i mbrojtësit.

Juventusi, i cili ka futur një klauzolë 10% në rishitjen e ardhshme, mund të fitojë rreth 5.5 milionë paundë nëse klauzola aktivizohet. Me kaq shumë skuadra pas tij, e ardhmja e Huijsen do të jetë një temë e nxehtë në afatin kalimtar të verës.

Dean Huijsen, mbrojtësi i Bournemouthit, që verën e kaluar e bleu nga Juventusi, dha një intervistë për portalin Oggisportnotizie.it: “Kam mësuar shumë në këto 6 muaj, jam përmirësuar shumë fizikisht. Dhe Tiago Pinto po i mban premtimet që më bëri.

Në Premier League duhej të tregoja se ndryshimi i vendit nuk ishte i lehtë. Kur më thanë se duhej të më shisnin, unë kisha një marrëdhënie normale me trajnerin, dhe ndërsa stërvitesha me ekipin, mendoja më shumë se çdo gjë për “martesën” me një projekt që ishte i duhuri për mua”.