Atlético Madrid mbyll derën për Barcelonën: Julián Álvarez nuk është në shitje

Atlético Madrid i ka dhënë fund spekulimeve për të ardhmen e Julián Álvarez. Drejtori ekzekutiv i klubit, Miguel Ángel Gil, ka deklaruar publikisht se sulmuesi argjentinas nuk do t’i bashkohet Barcelonës dhe se klubi nuk ka ndërmend ta shesë në këtë afat kalimtar.

Në një deklaratë të fortë, Gil bëri të ditur se qëndrimi i klubit është bërë i qartë për vetë lojtarin, përfaqësuesit e tij dhe presidentin e Barcelonës, Joan Laporta.

“Qëndrimi im është i qartë, ashtu si edhe ai i klubit. Ia kemi bërë të ditur lojtarit, përfaqësuesve të tij dhe presidentit të Barcelonës. Nuk kam asnjë dyshim se Atlético është vendi i duhur për Juliánin dhe se ai është sulmuesi ideal për ne. Ne duam ta mbajmë.”

Gil iu përgjigj edhe deklaratave të Laportës, i cili kishte thënë se oferta e Barcelonës nuk ishte e pakufizuar.

“Përgjigjja jonë ndaj Barcelonës është e pakufizuar.”

Më tej, drejtuesi i Atlético Madrid zbuloi se klubi ka refuzuar më parë një ofertë prej 100 milionë eurosh dhe theksoi se nuk do të pranonte as oferta prej 150 apo 200 milionë eurosh.

“Ne nuk pranuam një ofertë prej 100 milionë eurosh dhe nuk do të pranojmë as një ofertë prej 150 milionë apo 200 milionë eurosh për Julián Álvarez. Ne duam ta mbajmë.”

Me këtë deklaratë, Atlético Madrid dërgon një mesazh të qartë se Julián Álvarez është pjesë kyçe e projektit të klubit dhe nuk do të largohet, pavarësisht interesimit të Barcelonës.

Flaka