BDI – Dega Gostivar: Armend Osmani zgjidhet kryetar i ri i nëndegës Beg

Dega e BDI-së në Gostivar ka njoftuar se Armend Osmani është zgjedhur kryetar i ri i nëndegës Beg, me mbështetjen e strukturave lokale të kësaj nëndege.

Në njoftimin zyrtar thuhet se “në moshën 32-vjeçare, Armendi përfaqëson një brez të ri që po merr përgjegjësi dhe rol aktiv në vendimmarrje”, duke theksuar rëndësinë e përfshirjes së të rinjve në strukturat drejtuese të partisë.

Osmani është i diplomuar në drejtimin Ekonomi Biznes në Universitetin Ndërkombëtar të Strugës, ndërsa angazhimi i tij në jetën shoqërore dhe politike lokale është vlerësuar si një element i rëndësishëm në zgjedhjen e tij.

“Si një i ri i angazhuar në jetën shoqërore dhe politike lokale, Armendi ka kontribuar si anëtar i forumit rinor të BDI-së në Gostivar, duke u angazhuar në organizimin e aktiviteteve për të rinjtë”, thuhet më tej në komunikatë.

Me marrjen e kësaj detyre, Osmani synon të sjellë energji të re në drejtimin e nëndegës. “Me këtë përgjegjësi të re, Armend Osmani merr drejtimin e nëndegës Beg me synim për të sjellë energji të re”, thekson njoftimi.

Njëkohësisht, dega e BDI-së në Gostivar ka shprehur mirënjohje për ish-kryetarin e nëndegës Beg. “Një falënderim i veçantë për ish-kryetarin e nëndegës Beg, Ibrahim Lus, për kontributin dhe angazhimin e tij të deritanishëm në shërbim të strukturës dhe qytetarëve”, përfundon njoftimi.

Të premten, Adis Ismaili u emëruar Kryetar i Nëndegës Beliçica në Gostivar, me mbështetje të plotë nga banorët e lagjes dhe nga Dega e Bashkimit Demokratik për Integrim në këtë qytet. Në ditët në vijim, do të vijon zgjedhja në nëndegët e tjera të BDI-së në Gostivar. Gazeta Flaka