Çmimet, efektet do të ndihen në nëntor

Ligji për parandalimin e praktikave të padrejta tregtare tashmë është në fuqi. Por, të paktën tani për tani, nuk ka ulje të madhe të çmimeve pasi disa tregtarë përdorin akoma produktet, të cilat i kishin pjesë e rezervave të tyre të mëparshme. Qytetarët prisnin më shumë, por uljet e çmimeve sipas tyre, nuk kanë shënuar rënie, dhe disa produkte tanimë janë edhe më shtrenjtë sesa në vendet e Bashkimit Evropian. Ndërsa nga institucionet thonë se shumë shpejt duhet të sillet një ligj i ri që ka të bëjmë për mbrojtjen e konkurrencës, i cili do të ketë rol të dyfishtë, edhe atë së pari do të kontrollojnë kontratat mes furnizuesit dhe shitësit, ndërsa me ligjin e ri do të mund të kontrollohen edhe çmimet. Ky komision është themeluar prej pesë anëtarëve, ndërsa propozues janë deputetët e VMRO-DPMNE-së.

“Ligji i ri është modifikuar në atë mënyrë që të jenë bartës dhe kontrollues i zbatimit të ligjit të praktikave të padrejta apo thënë më mirë këto 26 praktika, të cilat kanë qenë të determinuara dhe të vendosura në këtë zgjidhje ligjore, duhet në terren të implementohen dhe të kontrollohen pikërisht nga ky komision që është themeluar. Me këtë dua t’i rikujtoj qytetarët se në çmimin final të një produkti futen edhe disa praktika të tjera, e të cilat ndikojnë në rritjen e çmimeve dhe i mbajnë në atë nivel, por tani me ligjin e ri, këtë praktikë do ta pengojmë.”, – deklaroi deputeti i VMRO-DPMNE-së, Bojan Stojanovski.

Por, zëvendësministri i Ekonomisë, Marjan Risteski, ka theksuar se ulja e çmimeve do të vërehet në muajin nëntor, por të gjitha këto ligje të cilat po sillen, po bëhen për ta mbrojtur interesin e qytetarëve.

“Ky vakum i uljeve të çmimeve të produkteve bujqësore është i kufizuar me marzhën е fitimit bruto të këtyre 75 produkteve bujqësore, të cilat janë përfshirë në urdhrat për lirimet verore. Ne si institucion presim që këto masa të cilat janë, sjellin të japin efektin e dëshiruar apo më mirë thënë rreth mesit të muajit nëntor, por mundet edhe nga fillimi i nëntorit, ku këto lirime do të ndjehen për qytetarët.”, – theksoi zëvendësministri i Ekonomisë, Marjan Risteski. 

Deri më tani nga Inspektorati i Tregut informojnë se janë kryer diku rreth 500 kontrolle, ku janë identifikuar rreth 26 parregullsi, ndërsa tregtarët kanë qenë të informuar se gjobat për moszbatimin e udhëzimeve nga ana e Qeverisë për uljen e çmimeve janë nga 2.000 deri më 10.000 euro, ndërsa për mosrespektimin e ligjit për praktikat e padrejta shkojnë edhe deri më 20 mijë euro.