Edhe ushqimet e shëndetshme mund të bëhen të dëmshme, ja cilat nuk duhet t’i teproni!

Një ushqyerje e shëndetshme është thelbësore për mirëqenien e organizmit, por edhe ushqimet me vlera të larta ushqyese duhet të konsumohen në sasi të moderuara.

Disa prej tyre përmbajnë shumë kalori, yndyrë ose karbohidrate, ndërsa konsumimi i tepërt mund të ndikojë negativisht në shëndet.

Më poshtë janë shtatë ushqime të shëndetshme me të cilat duhet të tregoni kujdes:

• Avokado – përmban yndyrna të shëndetshme, por edhe shumë kalori, ndaj rekomandohet konsumimi në sasi të moderuar.
• Arrorët – janë të pasur me yndyrna të mira dhe përbërës ushqyes, por kanë përmbajtje të lartë kalorike.
• Peshku ton i konservuar – është burim i mirë proteinash dhe omega-3, por konsumimi i shpeshtë i disa llojeve mund të rrisë ekspozimin ndaj merkurit.
• Djathi – përmban kalcium dhe proteina, por disa lloje kanë sasi të larta yndyre të ngopur dhe kripe.
• Mishi i kuq dhe i pulës – sigurojnë proteina dhe lëndë ushqyese, por është e rëndësishme të zgjidhen pjesë më pak të yndyrshme dhe mënyra të shëndetshme përgatitjeje.
• Patatet – janë burim i karbohidrateve dhe kaliumit, por mënyra e përgatitjes, sidomos skuqja, mund të rrisë ndjeshëm përmbajtjen kalorike.
• Karotat dhe panxhari – përmbajnë vitamina, minerale dhe fibra. Edhe pse kanë sheqerna natyrale, konsumimi i tyre në sasi normale është pjesë e një ushqyerjeje të shëndetshme.

Ekspertët e ushqyerjes theksojnë rëndësinë e një diete të larmishme dhe të ekuilibruar. Çelësi nuk është shmangia e këtyre ushqimeve, por konsumimi i tyre në sasi të përshtatshme.

Flaka

10

„Duke pasur parasysh protestat në shtetet e rajonit dhe të botës, a mendoni se edhe Maqedonia e Veriut do të përfshihet në këtë valë të protestave sociale?“

Po, është koha.

9

Jo, nuk mendoj.

1

Nuk ka arsye për të protestuar.

0