“Jemi kundër sistemit, e urrejmë këtë shtet dhe policinë”, kaos në protestën e Gjeneratës Z në Hamburg

Demonstrata që u zhvillua më herët këtëtë shtunën pasdite me iniciativën e “Gen Z regelt” në Hamburg u shndërrua gjithashtu në kaos.

Siç raportuan mediat vendase, rreth orës pesë të pasdites, kur një kamion me altoparlant njoftoi se demonstrata kishte mbaruar, shpërthyen incidente midis demonstruesve dhe policisë.

Pranë stacionit qendror të autobusëve (ZOB), grupe të ndryshme protestuesish tërhoqën objekte në rrugë dhe u përpoqën të ngrinin barrikada, të cilat më pas u vunë në zjarr. Në të njëjtën kohë, ata hodhën shishe dhe madje edhe gurë nga rruga drejt policisë.

Në të njëjtën kohë, policia i ndoqi protestuesit për t’i ndaluar.

Pas demonstratave fillimisht paqësore, në fillim të mbrëmjes, drejt policisë së stacionuar u hodhën fishekzjarrë, gurë dhe gardhe të tëra kantieri ndërtimi. Protestuesit shkatërruan një kantier ndërtimi dhe i vunë flakën një postblloku në mes të rrugës.

Shumë prej tyre ishin veshur me të zeza dhe kishin fytyrat e mbuluara. Një automjet me altoparlant u bënte thirrje vazhdimisht atyre të vazhdonin dhe t’i rezistonin policisë.

“Ne jemi kundër sistemit, e urrejmë këtë shtet dhe policinë “, dëgjoheshin të thoshin ata.

Policia reagoi duke formuar zinxhirë oficerësh me helmeta dhe duke u përpjekur të ndante protestuesit që ishin të përgatitur të përdornin dhunë nga demonstruesit paqësorë. Kjo rezultoi e vështirë, pasi shumë spektatorë ende qëndronin midis tyre, ndërsa fishekzjarrët vazhdonin të hidheshin nga turma.

Policia përdori gjithashtu topa uji për të shuar zjarrin. Në disa raste, kundër protestuesve u përdor edhe spaej me piper.

Më parë, demonstrata kishte qenë kryesisht paqësore. Iniciativa “Gen Z regelt” kishte bërë thirrje për një tubim në Jungfernstieg në orën 14:00. Pak para orës 15:00, pjesëmarrësit ishin mbledhur në Jungfernstieg dhe më pas filloi marshimi.

Sipas policisë, rreth 6,700 persona morën pjesë në demonstratën në kulmin e saj, ndërsa një zëdhënëse e grupit organizues “Gen Z regelt” vlerësoi gjithashtu se morën pjesë midis 6,000 dhe 7,000 persona.

1

„Duke pasur parasysh protestat në shtetet e rajonit dhe të botës, a mendoni se edhe Maqedonia e Veriut do të përfshihet në këtë valë të protestave sociale?“

Po, është koha.

1

Jo, nuk mendoj.

0

Nuk ka arsye për të protestuar.

0