Fanellat më të shitura të Barcelonës këtë sezon, Yamali i pari e Messi mbetet ende në top-treshe

Barcelona mbetet e etur për të sjellë sa më shumë fonde të jetë e mundur për të ndihmuar problemet e tyre financiare dhe një mënyrë për të gjeneruar para është përmes shitjes së fanellave. Klubi është i njohur për të pasur një bazë globale fansash dhe kjo ndihmon për të siguruar që mallrat të shiten sa më shumë të jetë e mundur.

Barcelona mbledh rregullisht të dhëna se kush është shitësi më i madh i fanellave në ekipin e parë.

Sipas Diario AS, nuk është çudi që numri një për momentin është Lamine Yamal, i cili zbuloi në fillim të kësaj jave se së shpejti do të nënshkruajë një kontratë të re, e cila pritet ta mbajë atë në klub të paktën deri në vitin 2030.

Pas Lamine Yamal është sulmuesi polak, Robert Lewandowski, ndërsa numri tre është një lojtar mjaft interesant: Lionel Messi. Pavarësisht se ikona e klubit u largua për në Paris Saint-Germain në verën e vitit 2021, tifozët blejnë rregullisht fanellën e sezonit aktual me emrin e tij dhe numrin 10 në anën e pasme.

Sa i përket lojtarëve aktualë, është një betejë mes Raphinhas dhe Pedrit për vendin e tretë. Ylli brazilian aktualisht është pak përpara dhe me të drejtë duke pasur parasysh formën që ka treguar gjatë sezonit të deritanishëm, por mesfushori spanjoll, i cili gjithashtu ka shkëlqyer muajt e fundit, është aty.

Gavi, bluza e të cilit thuhet se është më e popullarizuara në mesin e adoleshentëve, renditet në numrin pesë, ndërsa Pau Cubarsi është afër në vendin e gjashtë.

I radhës në listë është Frenkie de Jong, i cili kishte qenë shumë më i lartë përpara rënies së tij në fillim të sezonit. Megjithatë, ai së shpejti mund të jetë përsëri në rritje nëse vazhdon me nënshkrimin e një kontrate të re.

Raporti gjithashtu thekson se krahas Messit, lojtarë të tjerë historikë emrat e të cilëve shpesh kërkohen për fanella janë Neymar Junior dhe Andres Iniesta. /telegrafi