Fillimisht kontroll, pastaj rimbursim i TVSH-së

Kompanitë do ta marrin rimbursimin e TVSH-së kur të përfundojnë kontrollet, thotë kryeministri Mickoski. Pagesa vonohet sepse kontrollohet me detaje se mbi çfarë baze bëhet rimbursimi, që të mos ndodhë si dikur – paratë përfundojnë në kompani fantazmë, pra në xhepa privatë, përcjell FLAKA.

“Fillimisht kontroll i rreptë, më pas rimbursim i TVSH-së. Aktualisht janë duke u kontrolluar kompanitë të cilave u është vonuar pagesa, që paratë të mos përfundojnë në xhepat privatë. Nuk ka asnjë problem me buxhetin, por kontrollohet në detaje se mbi çfarë baze bëhet rimbursimi dhe jo si më parë – u janë paguar shuma miliona kompanive fantazmë. Dhe pastaj të njëjtat kompani tjetërsohen me qytetarët e njërit prej vendeve përreth që nuk ekziston dhe më pas ato kompani dalin nga biznesi, dhe paratë e qytetarëve përfundojnë kryesisht në para në dorë dhe kështu buxheti u zbraz me dhjetëra miliona euro. Kompanive të tilla fantazmë nuk do t’u paguhen më rimbursimet e TVSH-së. Ato do të paguhen pasi t’i nënshtrohen kontrollit të rreptë dhe brenda afatit ligjor”, tha Mickoski, duke theksuar se kontrollet janë duke u bërë tani.

Për kryeministrin është e papranueshme kërkesa e komunitetit të biznesit për kompensimin e TVSH-së gjatë importit të mallrave, por problemi pritet të zgjidhet me vendosjen e një faturë. Aktualisht, Drejtoria e të Ardhurave Publike është duke përgatitur softuerin, për të cilin janë duke u punuar nga ekspertë të TI-së dhe sistemi është planifikuar të testohet në vitin e ardhshëm 2025. FLAKA