Hero i zgjedhjeve – Nga kritikat ndaj VLEN-it, në administrator në komunën e Izet Mexhitit

Një debat i ashpër publik është zhvilluar së fundmi lidhur me punësimet dhe pagesat në Komunën e Çairit, pas publikimit të akuzave nga gazetari Furkan Saliu. Saliu pretendon se Haqim Ramadani merr 60.000 denarë në muaj nga Komuna e Çairit, duke e cilësuar këtë si një “shpërblim” politik, shkruan Gazeta Flaka.

“60.000 denarë në muaj për Haqim Ramadanin nga Komuna e Çairit – si ‘shpërblim’ për Bërvenicën që përfundoi te VMRO-DPMNE,” – deklaroi Saliu.

Ai e krahasoi këtë shumë me trajtimin e të punësuarve në çerdhen “Bambi”, për të cilët tha se kanë marrë shumë më pak:

“Ndërkohë, për të punësuarit në çerdhen ‘Bambi’ vetëm 6.000 denarë për gjashtë muaj.”

Saliu e lidhi këtë situatë edhe me politikën qendrore, duke përmendur kryeministrin Hristijan Mickoski:

“‘Rehatia’ e Hristijan Mickoski po na kushton shtrenjtë si popull, edhe financiarisht.”

Në të njëjtën kohë, reagime kanë ardhur edhe nga qytetarë dhe figura publike. Valdrin Miftari ka njoftuar për humbjen e vendit të punës:

“Prej sot jam pa punë. Jam ekonomist i diplomuar. Kërkoj punë vetëm nga kompani private.”

Ndërsa Irfan Buçi ka kërkuar sqarime institucionale mbi angazhimin e Ramadanit:

“Sipas të dhënave publike, Haqim Ramadanin figuron i punësuar në Komunën e Çairit. Qytetarët meritojnë transparencë: cili është angazhimi konkret i Qimos dhe a përputhet me pagesën prej 60.000 denarë.”

Nga ana tjetër, vetë Haqim Ramadani ka reaguar përmes një deklarate publike, duke mohuar akuzat dhe duke theksuar integritetin e tij personal dhe profesional:

“Shpesh më pyesin pse gjithmonë zgjedh rrugën më të vështirë. Përgjigjja është e thjeshtë, sepse është e vetmja rrugë e ndershme.”

“Fytyra ime është e pastër. Kam jetuar dhe jetoj nga paga ime, prandaj kam nevojë që edhe sot të punoj për të mbajtur familjen time.”

“Unë qëndroj ballëlartë sepse ndërgjegjen dhe biografinë e kam të pastër, me më shumë se 15 vite përvojë në pushtetin lokal.”

Debati ka hapur sërish çështjen e transparencës në punësimet publike, shpërndarjes së fondeve dhe ndikimit të politikës në administratën lokale, ndërsa qytetarët presin përgjigje konkrete nga institucionet përkatëse.

Kush është Haqim Ramadani?

Haqim Ramadani hyri në garën për Komunën e Bërvenicë si kandidat i VLEN, përkatësisht i Lëvizja Demokratike të Izet Mexhiti.

Gjatë fushatës, ai pati përplasje me strukturat e koalicionit dhe në raundin e dytë vazhdoi si kandidat i pavarur, duke pretenduar mungesë mbështetjeje.

Gjatë garës zgjedhore, kryeministri Hristijan Mickoski bëri një deklaratë të drejtpërdrejtë për Ramadanin:

“Haqim Ramadani do t’i humb zgjedhjet dhe do të shkarkohet nga Qeveria.”

Kjo deklaratë u interpretua gjerësisht si presion politik dhe paralajmërim i hapur për fatin e tij institucional.

Gjatë fushatës së Haqim Ramadani, një element i theksuar ishte mobilizimi i diasporës shqiptare, veçanërisht nga Evropa Perëndimore. U raportua për mbështetje aktive nga mërgimtarët, përfshirë organizim fushatash, mbështetje financiare dhe angazhim në terren gjatë periudhës zgjedhore.

Diaspora u pa si një shtyllë e rëndësishme e fushatës së tij, sidomos në fazën kur ai hyri në garë si kandidat i VLEN dhe më pas kur vazhdoi si kandidat i pavarur në raundin e dytë.

Pas përfundimit të zgjedhjeve Ramadani nuk arriti të fitojë në Bërvenicë dhe më pas, ai u shkarkua nga posti i Drejtorit të Inspektoratit Shtetëror për Vetëqeverisje Lokale nga Qeveria.

Rasti i Ramadanit përmbledh disa elemente tipike të politikës në vend, përçarje brenda koalicioneve shqiptare, presion dhe retorikë e fortë gjatë fushatës dhe pasoja konkrete institucionale pas zgjedhjeve.

A i tradhëtoi Haqim Ramadani përkrahësit dhe mërgatën?

Një element shtesë që e thellon edhe më tej debatin politik rreth Haqim Ramadani lidhet me raportet e tij të mëvonshme me subjektet politike nga të cilat ishte distancuar gjatë procesit zgjedhor.

Pas kandidimit si pjesë e VLEN dhe më pas kalimit në garë të pavarur, Ramadani ka bërë edhe deklarata publike kritike ndaj Lëvizja Demokratike dhe strukturave të saj, duke akuzuar për mungesë mbështetjeje dhe qasje të padrejtë gjatë procesit zgjedhor.

Megjithatë, në zhvillimet pas zgjedhjeve, ai rezulton të jetë i angazhuar në Komunën e Çair, e cila udhëhiqet nga Izet Mexhiti — figurë udhëheqëse e po atij spektri politik nga i cili ai ishte distancuar publikisht.

Ky zhvillim ka nxitur reagime dhe interpretime të ndryshme në opinionin publik: një pjesë e shohin si kontradiktë politike mes deklarimeve dhe angazhimeve institucionale, ndërsa të tjerë e interpretojnë si normalizim të marrëdhënieve pas zgjedhjeve dhe bashkëpunim administrativ përtej garës politike.

Në këtë mënyrë, rasti i Ramadanit mbetet pjesë e një debati më të gjerë mbi konsistencën politike, koalicionet fleksibile dhe kufirin mes rivalitetit zgjedhor dhe funksionimit institucional në pushtetin lokal.

Pa rrogën e shtetit, si peshku pa ujë

Pas një periudhe aktive në skenën politike, humbjes së zgjedhjeve lokale dhe përplasjeve publike me VLEN dhe Lëvizja Demokratike, Haqim Ramadani është paraqitur publikisht si i distancuar nga angazhimi aktiv politik.

Në deklaratat e tij, ai ka theksuar fokusin në jetën profesionale dhe angazhimet personale, duke lënë të kuptohet një orientim drejt sektorit privat dhe aktivitetit jashtë politikës aktive.

Paralelisht, nga vet ai janë raportuar informacione se ai ka nisur një angazhim në aktivitet privat/biznesor, duke sinjalizuar një kalim nga politika në sektorin privat. 3

Paralelisht, nga vet ai janë raportuar informacione se ai ka nisur një angazhim në aktivitet privat/biznesor, duke sinjalizuar një kalim nga politika në sektorin privat.

Punësimi në Komunën e Çairit vetëm se konfirmoi rikthimin e tij te opsioni politik që ai më herët e kishte kritikuar, duke e akuzuar për braktisje në mes të garës, dhe nga i cili më pas ishte distancuar plotësisht. Gazeta Flaka