Kontrabandë me cigare, i fshehën në zorrën e cisternës dhe në kabinën e kamionit

Drejtoria e Doganave ka zbuluar dhe sekuestruar sasi të kontrabanduara të cigareve dhe duhanit në dy raste të ndara në pikën kufitare “Bogorodicë”, shkruan Flaka Media

Në rastin e parë, 49 steka me cigare dhe 300 gramë duhan për pirje u gjetën të fshehura në mënyrë kreative – brenda zorrës së një cisterne. Sipas autoriteteve, zbulimi u bë pas kontrollit të detajuar të automjetit të dyshimtë.

Ndërkohë, në një incident tjetër të ndodhur po në “Bogorodicë”, doganierët kanë kapur 6 steka me cigare të fshehura në kabinën e një kamioni cisterne.

Nga Drejtoria e Doganave theksojnë se veprimet janë pjesë e masave të përforcuara për parandalimin e kontrabandës dhe mbrojtjen e tregut të brendshëm nga mallrat ilegale.

Hetimet për të dy rastet janë në zhvillim, ndërsa mallrat e kapura janë konfiskuar. Flaka Media