Kovaçki: VMRO-DPMNE do të udhëheqë një qeveri stabile dhe punëtore, Mickoski është i gatshëm për shumë punë

“Ne premtuam se do të sjellim dikastere të reja në qeveri, ose një ministri të re të Energjetikës dhe Sporteve. Për këto ndryshime do të ketë mbështetje, ligji do të dorëzohet këto ditë. Praktikisht për të njëjtën presim mbështetje nga të gjithë, sepse kjo është për të mirën e të gjithëve dhe të Maqedonisë”, tha Dragan Kovaçki, deputet dhe anëtar i Komisionit Ekzekutiv të VMRO-DPMNE-së, përcjell FLAKA.

Ai ka theksuar se të gjithë janë të vetëdijshëm se pas formimit të qeverisë ka shumë punë.

“Të gjithë jemi gati, kryeministri Hristijan Mickoski është i gatshëm për shumë punë, për standard më të mirë të qytetarëve, për kushte më të mira jetese, për transformim të shoqërisë, do të bëhet gjithçka që shëndetësia të funksionojë, arsimi të prodhojë kuadro cilësor”, tha Kovaçki.

Për formimin e qeverisë, ai tha se gjithçka do të jetë sipas afateve.

“Gjithçka do të jetë brenda afateve. Deri në fund të javës kryeministri do të marrë mandatin dhe më pas do të formohet qeveria brenda afatit”, thotë Kovaçki.

Vendosmëria e qartë e qytetarëve në zgjedhje, tha Kovacki, çon në faktin se do të ketë një qeverisje të qëndrueshme.

“VMRO-DPMNE do të udhëheqë një qeveri stabile dhe punëtore. Gjëja më e rëndësishme është se do të ketë një qeveri që do të zbatojë projektet e premtuara. Ajo do të realizojë gjithçka që u duhet qytetarëve. Struktura të caktuara që dolën keq në zgjedhje, populli i njohu dhe i vendosi aty ku duhej”, tha Kovacki.

Për zhvillimet në LSDM dhe zgjedhjen e kryetarit të ri, Kovacki thotë se kandidatët tashmë kanë mbajtur pozita dhe janë të njohur. FLAKA