Leroy Sané mes dy klubeve: Firmos me Galatasaray, por luan ende për Bayernin

Leroy Sané ka shkaktuar jo pak habi me zhvillimet e fundit në karrierën e tij. Edhe pse ka nënshkruar zyrtarisht me Galatasaray-n, sulmuesi gjerman do të vazhdojë të luajë për Bayern Munich edhe për disa javë të tjera, duke u bashkuar me ekipin në fazën përgatitore në Shtetet e Bashkuara.

Sané ka mbërritur në Stamboll ku është pritur me entuziazëm të madh nga tifozët e Galatasaray-t. Ai ka kaluar me sukses vizitat mjekësore dhe ka firmosur kontratën me klubin turk. Megjithatë, në një kthesë të papritur të ngjarjeve, ai po udhëton drejt SHBA-së për t’iu bashkuar sërish Bayernit, deri më 30 qershor.

Sipas Sky Sports DE, marrëveshja mes palëve parashikon që Sané të jetë pjesë e skuadrës bavareze edhe për ndeshjet e fundit të sezonit, përfshirë ato të fazës së grupeve dhe 1/8-at e Ligës së Kampionëve. Ai pritet të arrijë në Orlando, ku Bayern po zhvillon përgatitjet nën drejtimin e trajnerit të tyre.

Kjo situatë është e pazakontë, sidomos duke pasur parasysh se vetëm pak orë më parë, Sané u përshëndet publikisht me tifozët e Bayern-it. Ai shprehu krenarinë për mbi 200 ndeshjet me klubin, falenderoi stafin dhe shokët e skuadrës, si dhe tifozët për mbështetjen gjatë viteve të kaluara.

Tashmë pritet një reagim zyrtar nga Bayern Munich për të sqaruar tërësisht natyrën e kësaj marrëveshjeje të rrallë, e cila ka ngjallur kureshtje dhe diskutime në botën e futbollit.

Flaka