Man City siguron një marrëveshje të madhe e cila mund të ketë ndikim në të ardhmen e Guardiolës
Botuar nga Driton Zenku
Manchester City ka arritur marrëveshje me drejtorin e ri sportiv i cili do të zëvendësojë Txiki Begiristain që pritet të largohet në fund të sezonit.
Fabrizio Romano ka konfirmuar se ‘Qytetarët’ kanë arritur marrëveshje me Hugo Vianan e Sporting Lisbonës i cili do të vijë si zëvendësues i Txiki Begiristain.
Begiristian kështu po i jep fund një aventure 12-vjeçare me Cityn, pasi kishte punuar nga afër me Pep Guardiolën një miqësi e cila nisi që prej kohës sa ishin bashkëlojtarë tëk Barcelona.
Ai fillimisht ishte paraparë që të jepte dorëheqje në moshën 55-vjeçare, por në fund vendosi që të vazhdonte edhe për pesë vite të tjera.
Mëngjesin e ditës së sotme (e premte), Romano dhe Daily Mail kanë dhuruar lajmin se drejtori i ri sportiv i Cityt do të jetë Hugo Viana.
Viana ka merita për një numër marrëveshjesh që u kompletuan tek Sportingu ndërsa këtë pozitë do ta ushtrojë që nga viti i ardhshëm.
Mbetet të shihet se çfarë ndikimi do të ketë kjo në të ardhmen e Pep Guardiolës, i cili do të mbetet pa kontratë në fund të verës së ardhshme.
Botuar nga Driton Zenku
2,8 miliardë euro në bixhoz: simptomë e një shoqërie në pasiguri – Çfarë flet sociologjia për fenomenin?
