Napoli nuk dorëzohet: Darwin Núñez mbetet prioritet absolut

Napoli vazhdon të jetë në kërkim të një sulmuesi të nivelit të lartë për të përforcuar repartin ofensiv në prag të sezonit të ri. Objektivi kryesor i klubit mbetet Darwin Núñez, sulmuesi uruguaian i Liverpoolit, për të cilin drejtori sportiv Giovanni Manna ka paraqitur një ofertë zyrtare prej 50 milionë eurosh + 5 milionë bonuse.

Liverpool kërkon më shumë

Megjithëse oferta e Napolit është e konsiderueshme, ajo nuk ka bindur drejtuesit e Liverpoolit, të cilët kërkojnë të paktën 60 milionë euro për të lënë të lirë 25-vjeçarin. Sipas gazetarit Gianluca Di Marzio, bisedimet janë ende në zhvillim dhe Napoli pritet të rikthehet me një ofertë të përmirësuar në ditët në vijim.

Núñez i jep “OK”-in Contes

Një element pozitiv për Napolin është fakti që Darwin Núñez ka dhënë pëlqimin për të punuar me Antonio Conten, trajnerin e ri të skuadrës. Rroga e tij e ardhshme pritet të jetë rreth 5–6 milionë euro në sezon, në përputhje me strukturën aktuale të pagave në klub.

Lëvizjet e tjera dhe ndikimi i Osimhen

Transferimi i Núñez është i lidhur ngushtë me të ardhmen e Victor Osimhen, i cili ka dhënë pëlqimin për t’u transferuar te Galatasaray, por klubi turk nuk ka arritur ende të përmbushë klauzolën prej 75 milionë euro. Vetëm pas largimit të Osimhen, Napoli do të ketë hapësirën financiare për të përmbyllur marrëveshjen me Liverpoolin.

Flaka