Ndryshime në pagesën e taksave rrugore: Ja çfarë duhet të dinë vozitësit

Ndërmarrja Publike për Rrugë Shtetërore Javno Pretprijatie za Drzhavni Patishta ka njoftuar se nga mesnata e 15 qershorit hyjnë në fuqi ndryshimet në sistemin e pagesës së taksave rrugore (patarina), me ç’rast korsitë e shënuara për M-Tag do të jenë ekskluzivisht për përdoruesit e pajisjeve elektronike të pagesës.

Sipas njoftimit, qytetarët këshillohen që para mbërritjes në pikat e pagesës të ndjekin me kujdes tabelat informative elektronike dhe të zgjedhin korsinë përkatëse sipas mënyrës së pagesës.

“Lentet e shënuara për M-Tag do të jenë të dedikuara vetëm për përdoruesit me pajisje elektronike. Me këtë ndryshim hiqet mundësia e pagesës me M-Card në korsitë e parashikuara për M-Tag”, thuhet në njoftimin e JPDP-së.

Sipas organizimit të ri, korsitë do të ndahen për pagesë me M-Tag, pagesë me M-Card dhe pagesë me para në dorë.

Gjithashtu, nga ndërmarrja theksohet se përdoruesit e M-Card duhet të përdorin korsitë e tjera të disponueshme sipas destinimit të tyre.

Autoritetet apelojnë edhe për respektimin e sinjalistikës në pikat e pagesës: shigjeta e gjelbër tregon që korsia është e hapur, ndërsa shenja “X” e kuqe tregon që korsia është e mbyllur.

Nga JPDP paralajmërojnë se mosrespektimi i këtyre rregullave mund të shkaktojë vonesa, ulje të efikasitetit të pagesës dhe ndikim në sigurinë e trafikut.

Njoftimi është publikuar me qëllim informimin e qytetarëve dhe përshtatjen e tyre me sistemin e ri të funksionimit të pikave të pagesës së taksave rrugore. Gazeta Flaka