Pritet rritje e çmimit të vezëve 

Për shkak të gripit të shpendëve, çmimet e vezëve në vendet evropiane janë rritur në mënyrë drastike dhe çmimi i tyre po rritet çdo ditë, shkruan Alsat.

Në Amerikë çmimi i një kutie me vezë arrin 1150 denarë, që është 53 për qind rritje për një vit.

Alsat pyeti qytetarët nëse presin që kriza të përhapet edhe në vendin tonë dhe si do të ndikojë në buxhetin e tyre.

“Do të marrim më pak”, tha një qytetar.

“Nuk janë vetëm vezët, problemi është se çmimet janë të larta, pagat janë të ulëta, pensionet janë të ulëta”, u shpreh një qytetar tjetër.

“Mendoj se janë të lartë dhe nuk duhet të shkojnë më lart se sa janë tani”, theksoi një qytetar.

Prodhuesit e vezëve me të cilët folëm sot thonë se nuk do të ketë rritje të çmimeve deri në prill, por pasi të përfundojë masa e Qeverisë për kufizimin e marzhit.

Nga Ministria e Bujqësisë thonë për Alsat se tashmë kanë formuar grup për rregullimin e sasive, ofertës dhe kërkesës së vezëve dhe do të propozojnë zgjidhje për tejkalimin e kushteve të caktuara të tregut apo situatave të çmimeve.

“Duke qenë se festat e Pashkëve afrojnë, PPG për vejëse dhe vezët ka organizuar takim të hënën, më 17.03.2025 në orën 10:00 për të diskutuar situatën me prodhimin e vezëve për konsum në vend si dhe situatën me importin dhe eksportin e tyre, rreziqet e mundshme të prishjes së tregut në periudhën e ardhshme të vezëve. Pas takimit, Ministria e Bujqësisë, Pylltarisë dhe Administrimit të Ujërave do të analizojë situatën në tregun e vezëve për konsum dhe do të informojë publikun në kohë”, thonë nga Ministria e Bujqësisë.

Sipas statistikave të “Eurostat”, çmimi i vezëve është rritur në të gjitha vendet evropiane. Më shumë se 15% në Holandë, 12.3% në Poloni dhe pothuajse 8% në Belgjikë. Qeveria ka ngrirë çmimin e vezëve deri më 30 prill kurse marzhi është i kufizuar në 5%.