Shtetet e Bashkuara të Amerikës – aleati i madh e historik i popullit shqiptar

Gjenerali italian: Serbinë nuk e ka bombarduar NATO, por Amerika dhe Bill Clintoni

Ish–komandanti i KFOR-it, gjenerali italian Fabio Mini, ka thënë se Serbia nuk është bombarduar nga NATO-ja, por nga Amerika.

Ish- komandanti i misionit të NATO-s në Kosovë, nga tetori i vitit 2002 deri në tetor të vitit 2003, ka deklaruar për gazetën serbe “Novosti”, se Serbia ishte bombarduar me iniciativë të SHBA-së dhe se Aleanca Veri-atlantike ishte nënë në shërbim të Shteteve të Bashkuara të Amerikës “për realizimin e projektit të pavarësisë së Kosovës”.

“Serbia duhet ta ketë gjithmonë parasysh se NATO nuk e ka bombarduar me iniciativën e saj, por me iniciativë të Amerikës.

Iniciativa dhe realizimi i bombardimeve të vitit 1999 janë inicuar nga Shtetet e Bashkuara të Amerikës, sikurse edhe projekti për pavarësinë e Kosovës”, ka thënë gjenrali Mini në një intervistë për gazetën serbe “Novosti”.

“NATO-s i është dashur vetëm t’i nënshtrohet Amerikës, kur ajo kishte vendosur të bombardohej Serbia… dhe kështu ka qenë. Sepse, NATO-ja i ka shërbyer Washingtonit edhe për realizimin e projektit të pavarësisë së Kosovës”, ka shtuar Mini.

“Shtetet e Bashkuara të Amerikës e kishin planifikuar pavarësinë e Kosovës qysh në kohën e (Bill) Clintonit”, ka thënë ai.

Sipas tij, aeroplanët bombardues amerikanë që i kanë bombarduar objektivat ushtarake e policore të Serbisë “nuk janë nisur nga baza ushtarake e NATO-s në Aviano, por nga baza ushtarake amerikane në Aviano”.

Gjenerali Mini ka thënë se vendet anëtare të NATO-s kontrollohen nga SHBA-të dhe ka shprehur bindjen se Serbia nuk do të pranojë të bëhet anëtare e këesaj aleance.

“Pra, arsyeja pse jam i bindur pse Serbia nuk duhet të hyjë në NATO është fakti i njohur kaherë se kur hyhet në këtë aleancë, je nën kontroll të SHBA-së. Nuk mendoj se Serbia e dëshiron këtë”, citohet Mini nga “Novosti”.