Vitamina dhe minerale për një trup të shëndetshëm: Këshilla për gratë

Gratë dhe vajzat kanë nevoja specifike për vitamina dhe minerale, të cilat ndryshojnë sipas fazave të jetës. Nga rinia deri pas menopauzës, këto ushqyes ndihmojnë në shëndetin e kockave, rigjenerimin e qelizave dhe mirëmbajtjen e organizmit.

Acidi folik është një nga suplementët më të rëndësishëm për gratë. Kjo vitaminë e kompleksit B ndihmon në formimin e qelizave të reja dhe është veçanërisht e rëndësishme gjatë shtatzanisë, duke shmangur defektet e fetusit. Gratë kanë nevojë për 400 mikrogramë acid folik në ditë, ndërsa gratë shtatzëna deri në 600 mikrogramë.

Vitamina D, e njohur për rëndësinë e saj në shëndetin e kockave, është e domosdoshme për parandalimin e osteoporozës dhe frakturave. Gratë kanë nevojë për 600 njësi në ditë ose 15 mikrogramë, për të ndihmuar përthithjen e kalçiumit në trup.

Vitamina C është një tjetër element kyç, pasi ndihmon në përthithjen e kolagjenit, duke e mbajtur lëkurën të shëndetshme dhe duke luftuar radikalet e lira. Doza e rekomanduar për gratë është 75 miligramë në ditë, ndërsa gratë shtatzëna dhe nënat lehonë kanë nevojë për 85-120 miligramë. Duhanpirësit duhet të marrin një dozë shtesë prej 35 miligramësh.

Vitamina B12 është e rëndësishme për metabolizmin, mbrojtjen e qelizave të trurit dhe formimin e rruazave të kuqe të gjakut. Ajo gjendet kryesisht në burimet shtazore, dhe gratë kanë nevojë për 2.4 mikrogramë në ditë, ndërsa gratë shtatzëna deri në 2.6 mikrogramë.

Përdorimi i këtyre vitaminave dhe mineraleve ndihmon në një shëndet më të mirë, duke garantuar energji, mirëqenie dhe mbrojtje nga sëmundjet.

Flaka