Zgjedhja e rektorit në UT: Ramadani, Zejneli dhe Ahmeti paraqesin vizionet

Në Universitetin e Tetovës është zhvilluar një nga proceset më të rëndësishme institucionale dhe akademike, ai i zgjedhjes së rektorit për mandatin 2026–2029, ku në garë janë Prof. Dr. Fehari Ramadani, Prof. Dr. Jusuf Zejneli dhe Prof. Dr. Kushtrim Ahmeti.

Gjatë ditës së sotme, tre kandidatët kanë prezantuar platformat e tyre programore dhe vizionin për drejtimin e ardhshëm të universitetit, duke vënë theksin në zhvillimin akademik dhe forcimin institucional të UT-së.

Procesi zgjedhor për rektorin e ri konsiderohet me rëndësi të veçantë për të ardhmen e Universitetit të Tetovës, veçanërisht në kontekst të sfidave në arsimin e lartë, kërkimin shkencor, digjitalizimin dhe ndërkombëtarizimin.

Në platformat e prezantuara, kandidatët kanë theksuar nevojën për përmirësimin e cilësisë akademike, modernizimin e programeve studimore dhe përshtatjen me standardet evropiane. Po ashtu, është vënë theks te rritja e bashkëpunimit ndërkombëtar dhe përmirësimi i kushteve për studentët dhe stafin akademik.

Një nga prioritetet e përbashkëta ka qenë avancimi i kërkimit shkencor dhe ndërkombëtarizimi i universitetit, përmes rritjes së pjesëmarrjes në projekte ndërkombëtare dhe zgjerimit të partneriteteve akademike.

Kandidatët kanë prezantuar gjithashtu ide për përmirësimin e standardit studentor, rritjen e përfshirjes së studentëve në jetën akademike dhe krijimin e kushteve më të mira për studim dhe zhvillim profesional.

Në fokus të platformave të tyre ka qenë edhe digjitalizimi i proceseve universitare, përdorimi i teknologjive moderne dhe rritja e transparencës dhe efikasitetit institucional.

Procesi i zgjedhjes së rektorit pritet të përcaktojë drejtimin strategjik të Universitetit të Tetovës për tre vitet e ardhshme, në një periudhë të rëndësishme transformimesh në arsimin e lartë. Gazeta Flaka