Mot i paqëndrueshëm me reshje shiu, fundjava sjell stuhi lokale dhe rënie temperaturash

Botuar nga Drin Zenku 13 Shkurt, 2026 10:23

Moti sot në vend do të jetë i ndryshueshëm me vranësira dhe reshje të kohëpaskohshme të shiut, më të rrëmbyeshme në rajonet juglindore, njofton Drejtoria për Punë Hidrometeorologjike (DPHM).

Në viset malore reshjet do të jenë të përziera, me shi dhe borë. Do të fryjë erë e matur deri e përforcuar nga drejtimi veriperëndimor. Temperatura minimale do të lëvizë nga 4 deri në 9 gradë Celsius, ndërsa maksimalja do të arrijë nga 8 deri në 13 gradë.

Në Shkup moti do të jetë i ndryshueshëm me reshje të kohëpaskohshme shiu, veçanërisht paradite dhe në fund të ditës. Do të fryjë erë e dobët deri mesatare nga veriperëndimi. Temperatura minimale do të zbresë deri në 7 gradë, ndërsa maksimalja do të arrijë deri në 12 gradë.

Sipas DPHM-së, nesër pritet mot i ndryshueshëm me reshje të dobëta lokale të shiut. Përgjatë luginës së Vardarit do të fryjë erë e matur deri e përforcuar nga veriu.

Gjatë fundjavës, nën ndikimin e masave ajrore të lagështa dhe jostabile, do të ketë reshje shiu që herë pas here dhe vende-vende do të jenë më të rrëmbyeshme, duke tejkaluar 30 litra për metër katror. Lokalisht priten kushte për mot të lig me reshje intensive, bubullima dhe erë të fuqishme.

Në fillim të javës së ardhshme parashihet rënie e temperaturave, ndërsa reshjet kryesisht do të jenë në formë bore.

Flaka

Botuar nga Drin Zenku 13 Shkurt, 2026 10:23

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.