Si të përmirësoni gjumin: Ushqimi dhe koha e vakteve janë çelësi

Gjumi i mirë nuk varet vetëm nga stresi ose përdorimi i ekranit para gjumit, por edhe nga çfarë hamë dhe kur e hamë ushqimin. Ekspertët paralajmërojnë se ndryshimet e vogla në dietë mund të përmirësojnë ndjeshëm cilësinë e gjumit, ndërsa zgjedhjet e gabuara mund ta ndërpresin atë.

Për një gjumë më të qetë, vakti i mbrëmjes duhet të jetë i lehtë, me proteina të moderuara dhe pak yndyrë, dhe të konsumohet 2-3 orë para gjumit. Ushqimet e pasura me triptofan, si vezët, kosi dhe arrat, si dhe perimet dhe frutat, ndihmojnë prodhimin e melatoninës, hormoni që rregullon ritmin e gjumit.

Nga ana tjetër, ushqimet e rënda dhe të yndyrshme, kafeina, alkooli dhe konsumimi i tepërt i lëngjeve para gjumit lidhen me ndërprerje dhe gjumë më pak rigjenerues. Ekspertët sugjerojnë gjithashtu vakë të vogla dhe të lehta brenda një diete mesdhetare dhe ushqime të pasura me selen, si arra, fara, prodhime deti dhe mish, për të përmirësuar cilësinë e gjumit.

Bimët e buta si kamomili mund të ndihmojnë relaksimin dhe kalimin më të lehtë në gjumë. Koha e fundit e vaktit është po aq e rëndësishme sa përmbajtja – shmangni ngrënien menjëherë para gjumit dhe qëndroni ulur ose në një pozicion gjysmë të shtrirë për rreth dy orë për të lehtësuar tretjen.

Ndryshimet e vogla dhe të qëndrueshme në zakonet e të ngrënit mund të përkthehen në një gjumë më të thellë dhe të qëndrueshëm, duke përmirësuar shëndetin dhe mirëqenien.

Flaka