Ja si do të duket fletëvotimi për zgjedhjet në Bërvenicë

Në seancën e 16-të të Komisionit Shtetëror të Zgjedhjeve (KSHZ) është hedhur shorti për përcaktimin e renditjes së kandidatëve që do të garojnë në zgjedhjet e parakohshme për kryetar të Komunës së Bërvenicës.

Pas tërheqjes së numrave nga përfaqësuesit e koalicioneve dhe kandidatët e pavarur, Koalicioni “Maqedonia Jote”, i udhëhequr nga VMRO-DPMNE, me kandidatin Stojanço Radiçevski, do të jetë me numrin 1 në fletëvotim.

Koalicioni i udhëhequr nga LSDM-ja, me kandidatin Jovica Radeski, do të mbajë numrin 2.

Kandidati i pavarur Dushan Bogdanovski do të jetë me numrin 3, ndërsa kandidatja e pavarur Arife Idrizi me numrin 5.

Numrin 6 do ta mbajë Aleanca Kombëtare për Integrim (AKI), e udhëhequr nga BDI, me kandidatin për kryetar të Bërvenicës, Arkin Jahiji.

Në garë është edhe Koalicioni VLEN, me kandidatin Jakup Useini, ndërsa KSHZ-ja konfirmon se gjithsej janë paraqitur gjashtë lista kandidatësh për këto zgjedhje.

Zgjedhjet e parakohshme për kryetar të Komunës së Bërvenicës do të mbahen më 18 tetor 2026. Ato u shpallën pas ndarjes nga jeta në qershor të kryetarit të atëhershëm të komunës, Jovica Ilievski, i cili ishte nga radhët e VMRO-DPMNE-së.

Fushata zgjedhore ka nisur më 21 shtator dhe do të zgjasë deri më 16 tetor, sipas kalendarit zgjedhor.