Specializantët privatë presin që ministri i ri menjëherë pas emërimit t’i thërrasë në bisedime

Në pritje të formimit të qeverisë së re dhe emërimit të ministrit të ri të Shëndetësisë, specializantët privatë edhe këtë të martë e shfrytëzuan pauzën e tyre për t’u mbledhur para klinikave interne për të treguar se ekzistojë dhe ende punojnë për pagë prej 26.000 denarë, pa sigurim shëndetësor dhe pensional. Presin që ministri ri i Shëndetësisë, menjëherë pas emërimit, t’i thërrasë në kabinet dhe t’i plotësojë kërkesat e tyre.

HRISTINA ILIOSKA ÇESHLAROSKA, SPECIALIZANTE PRIVATE NË MJEKËSINË INTERNE

“Presim që ministri i ri, sapo të hyjë në kabinetin e tij, të na thërrasë në takim, t’i plotësojë kërkesat tona, gjegjësisht të rrisë kompensimin mujor në nivelin e pagës mesatare në një institucion publik shëndetësor dhe të na ofrojnë sigurim shëndetësor”.

Çeshlaroska theksoi se në të njëjtën kohë duhet të fillojë edhe një proces, me të cilin do të miratohen zgjidhje ligjore për të gjithë specializantët privatë, të transformohen në shëndetësinë publike, në mënyrë që të keni edhe sigurim adekuat pensional.

Sipas saj, specializantët privatë kanë mbështetje nga kolegët më të vjetër – specialistë. Disa prej tyre, siç theksuan, e kanë shprehur mbështetjene dhe përmes video-mesazheve. /SHENJA/