Sondazhi i Flakës për Alta Bankën: 71% e votuesve përgjegjësinë ia atribuojnë qeverisjes VMRO-VLEN
Sondazhi i realizuar nga portali Flaka me temën “Alta Banka në Maqedoninë e Veriut: Kush mban përgjegjësi për lejimin dhe avancimin e aktivitetit të saj?” ka përfunduar me dominim të votave që përgjegjësinë politike për ardhjen dhe avancimin e bankës ia atribuojnë qeverisjes aktuale VMRO-VLEN.

Nga gjithsej 409 vota të regjistruara, 291 pjesëmarrës ose 71% kanë vlerësuar se përgjegjësinë e mban qeverisja aktuale VMRO-VLEN.
Ndërkohë, 91 votues ose 22% kanë drejtuar përgjegjësinë nga qeverisja e kaluar LSDM-BDI, ndërsa 27 pjesëmarrës ose 7% janë deklaruar se nuk kanë informacion të mjaftueshëm për të gjykuar.
Rezultatet pasqyrojnë qëndrimet e pjesëmarrësve në këtë votim online dhe jo një matje përfaqësuese të opinionit të përgjithshëm publik.
Shënim metodologjik: Sondazhi i Flakës pasqyron qëndrimet e pjesëmarrësve në votim dhe nuk përfaqëson domosdoshmërisht opinionin e përgjithshëm publik.
Sondazhi është realizuar përmes aplikacionit Poll Maker, i cili mundëson proces të automatizuar të votimit dhe minimizon ndërhyrjen njerëzore. Votimi ka zgjatur shtatë ditë dhe është zhvilluar përmes platformës elektronike flaka.com.mk.
Për të kufizuar mundësinë e votimeve të përsëritura, është aplikuar rregulli që lejon një votë për adresë IP brenda 24 orëve.
Rezultatet duhet të interpretohen si tregues orientues të perceptimeve të pjesëmarrësve online dhe jo si matje përfundimtare e opinionit të përgjithshëm publik.
Rezultatet e sondazhit të Flakës – Alta Banka
| Qëndrimi i votuesve | Vota | Përqindja |
|---|---|---|
| Qeverisja aktuale VMRO-VLEN | 291 | 71% |
| Qeverisja e kaluar LSDM-BDI | 91 | 22% |
| Nuk kanë informacion të mjaftueshëm | 27 | 7% |
| TOTALI | 409 | 100% |
Sondazhi zgjati 7 ditë dhe u realizua në flaka.com.mk përmes Poll Maker.
SONDAZH I RI NË FLAKA – HAPET SOT, 17 NËNTOR 2026
A ndodhet Maqedonia e Veriut në një krizë të thellë ekonomike, politike dhe sociale?
Situata ekonomike, zhvillimet politike dhe problemet sociale në vend ngrenë pikëpyetje mbi gjendjen aktuale dhe drejtimin në të cilin po lëviz Maqedonia e Veriut.
Flaka ju fton të shprehni qëndrimin tuaj përmes sondazhit të ri.
Cili është vlerësimi juaj?
- Gjendja është katastrofike.
- Kërkohen zgjedhje të parakohshme.
- Gjendja është e qëndrueshme.
- Nuk kam përgjigje.
Voto dhe shpreh qëndrimin tënd në flaka.com.mk!
Zëri yt është pjesë e debatit publik. Gazeta Flaka














