Dosja sekrete e Deutsche Bank: 15 milionë dokumente zbulojnë lidhje me oligarkë, politikanë dhe kriminelë

Flaka
Botuar nga Flaka 17 Nëntor, 2026 11:02

Dosja sekrete e Deutsche Bank: 15 milionë dokumente zbulojnë lidhje me oligarkë, politikanë dhe kriminelë

Mbi 15 milionë dokumente konfidenciale dhe email-e të Deutsche Bank, të siguruara nga sinjalizues dhe të ndara me gazetarë të më shumë se 50 mediave, zbulojnë marrëdhënie të dyshimta biznesi të një prej institucioneve më të mëdha financiare në Gjermani me oligarkë, politikanë, persona të dënuar për krime dhe tregtarë armësh.

Sipas një hulumtimi të publikuar nga revista gjermane “Der Spiegel”, dokumentet tregojnë se banka ka vazhduar për vite me radhë marrëdhëniet me klientë të lidhur me aktivitete kriminale, pavarësisht paralajmërimeve të brendshme për rreziqet e pastrimit të parave dhe dëmtimit të reputacionit të saj.

Në hulumtim kanë marrë pjesë gazetarë nga “Der Spiegel”, televizioni ZDF, “The New York Times”, “Financial Times” dhe dhjetëra media të tjera. Në dokumente përmenden emra të njohur, përfshirë presidentin amerikan Donald Trump, financierin e dënuar për krime seksuale Jeffrey Epstein, oligarkë rusë, politikanin gjerman Friedrich Merz dhe biznesmenin Matthias Döpfner. Dokumentet përfshijnë edhe marrëdhënie biznesi me kompani të mëdha si Aldi, BMW, Rheinmetall dhe Springer.

Materialet përfshijnë email-e të drejtuesve, prezantime për bordin drejtues dhe raporte të brendshme nga departamentet që merreshin me transaksione problematike, klientë me rrezik të lartë dhe luftën kundër krimit financiar.

Marrëdhëniet me Epstein, Trumpin dhe oligarkët rusë

Sipas dokumenteve, banka kishte shqyrtuar mundësinë e tërheqjes së Donald Trumpit si klient, ndërsa një rast tjetër përshkruan përpjekjet për të mbuluar një gabim që kishte bërë që deklaratat e tij tatimore të dërgoheshin në adresë të gabuar.

Dokumentet përshkruajnë gjithashtu mënyrën se si Jeffrey Epstein u bë klient i bankës dhe si u tentua të tërhiqeshin oligarkë rusë si klientë. Hulumtimi evidenton edhe transaksione të dyshimta përmes kompanive fiktive të regjistruara në Ishujt e Virgjër, Belize dhe Qipro.

Një pjesë e materialeve trajton edhe marrëdhëniet financiare me trashëgimtarët e pasurisë së rrjetit të supermarketeve Aldi, të cilët, sipas dokumenteve, kanë përdorur skema që u mundësonin shmangien e pothuajse të gjitha taksave për transaksione me vlerë miliona dollarë.

Kreditë për bankat ruse para pushtimit të Ukrainës

Një pjesë e rëndësishme e dokumenteve lidhet me aktivitetin e Deutsche Bank në Rusi. Në fund të vitit 2021, banka hapi një seli të re në Moskë, ndërsa vetëm disa javë para pushtimit rus të Ukrainës kishte dhënë kredi afatshkurtra me vlerë miliona dollarë për bankën ruse Sberbank.

Banka kishte bashkëpunuar edhe me kompani si Gazprom dhe Aeroflot, kishte tregtuar letra me vlerë ruse dhe kishte përpunuar pagesa për institucione financiare ruse.

Ndër klientët e saj përmenden oligarkët Roman Abramovich, Alexei Mordashov dhe Alisher Usmanov, ky i fundit duke mohuar lidhje të afërta me Kremlinin.

Një hetim i brendshëm i vitit 2020 kishte evidentuar rreziqet e këtyre marrëdhënieve. Në një prezantim prej 84 faqesh, punonjësit kishin identifikuar probleme serioze në aktivitetin bankar në Rusi, përfshirë banka partnere që dyshohej se përdoreshin për transferimin e parave drejt bashkëpunëtorëve të presidentit rus Vladimir Putin.

Përgjigjja e Deutsche Bank

Në përgjigje të pyetjeve të “Der Spiegel” dhe mediave partnere, Deutsche Bank deklaroi se shumë prej rasteve të përshkruara në dokumente ishin trajtuar më parë me autoritetet rregullatore.

Banka theksoi se nën drejtimin e Christian Sewing ka kaluar një “transformim themelor” dhe se sot është një institucion ndryshe nga ai i së kaluarës.

Megjithatë, dokumentet e publikuara ngrenë pikëpyetje mbi mënyrën se si banka ka menaxhuar për vite me radhë klientët me rrezik të lartë, transaksionet ndërkombëtare dhe paralajmërimet e brendshme për aktivitete të mundshme të paligjshme.

Hulumtimi nxjerr në pah edhe kontrastin mes angazhimeve publike të bankës për mbrojtjen e mjedisit dhe financimit të kompanive të mëdha ndotëse, si dhe vazhdimin e administrimit të llogarive për donacione të partisë gjermane Alternativa për Gjermaninë (AfD), pavarësisht qëndrimeve publike kritike të drejtorit ekzekutiv ndaj kësaj partie.

Flaka

2

A ndodhet Maqedonia e Veriut në një krizë të thellë ekonomike, politike dhe sociale?

Flaka
Botuar nga Flaka 17 Nëntor, 2026 11:02
Të drejtat autoriale dhe përdorimi i përmbajtjes Disa nga imazhet e publikuara në portal janë siguruar nga burime të ndryshme në internet dhe konsiderohen se i përkasin domenit publik. Në rast se ndonjë person ose subjekt pretendon të drejtën e pronësisë mbi to, Flaka Media është e gatshme të bëjë citimin përkatës të autorit ose, sipas kërkesës, ta largojë menjëherë imazhin nga portali. Marrja, kopjimi, riprodhimi, shpërndarja apo publikimi i paautorizuar i teksteve, fotografive, videove dhe çdo përmbajtjeje tjetër autoriale që përbën pronësi intelektuale të Flaka Media, pa pëlqimin paraprak me shkrim të redaksisë, ndalohet rreptësisht. Çdo shkelje e të drejtave autoriale dhe të drejtave të përafërta do të trajtohet në përputhje me legjislacionin në fuqi. Flaka Media rezervon të drejtën të kërkojë kompensim financiar për dëmin e shkaktuar dhe të ndërmarrë procedurat përkatëse ligjore ndaj shkelësve. Për çdo ripublikim ose shfrytëzim të përmbajtjes autoriale të Flaka Media, është i detyrueshëm sigurimi i pëlqimit paraprak me shkrim nga redaksia. Në rastet kur jepet leja për ripublikim, duhet të vendoset në mënyrë të qartë burimi dhe një lidhje aktive (link) që orienton lexuesit drejt artikullit origjinal në faqen zyrtare të Flaka Media. Përmbajtjet reklamuese dhe materialet e publikuara përmes platformës MGID nuk janë nën administrimin dhe përgjegjësinë editoriale të redaksisë së Flaka Media. Arkivi i portalit ruhet për një periudhë prej dy vjetësh nga data e publikimit të lajmit.
2

A ndodhet Maqedonia e Veriut në një krizë të thellë ekonomike, politike dhe sociale?

Voto edhe...
3
Flaka

Çfarë dëshironi të lexoni apo shikoni në Flaka më së tepërmi?

NDRYSHE

NDRYSHE

    No posts where found

Lexo më shumë