Alarm në Serbi: Rrëzohet avioni luftarak MiG-29, ende pa informacione për pilotin
Rrëzohet një avion ushtarak serb MiG-29 në afërsi të Novi Sadës, ende pa informacione për pilotin
Një avion luftarak i ushtrisë së Serbisë është rrëzuar sot në një fushë mes Nova Pazovës dhe Stara Pazovës, raportojnë mediat serbe.
Sipas informacioneve jozyrtare të publikuara nga gazeta serbe “Blic”, bëhet fjalë për një avion luftarak të tipit MiG-29. Në fotografitë e publikuara në rrjetet sociale, shihet avioni i përfshirë nga flakët në një fushë të hapur, ndërsa nga vendi i ngjarjes ngrihet një re e madhe tymi të zi.
Sipas raportimeve të mediave serbe, menjëherë pas rrëzimit në vendngjarje janë nisur ekipe të shumta të zjarrfikësve, automjete të Ndihmës së Shpejtë, forca policore dhe pjesëtarë të Policisë Ushtarake, të cilët kanë siguruar zonën përreth avionit të rrëzuar.
Deri më tani nuk ka informacione zyrtare për gjendjen e pilotit, apo nëse ka viktima dhe persona të lënduar.
Ministria e Mbrojtjes e Serbisë ende nuk ka dalë me një njoftim zyrtar lidhur me incidentin, ndërsa shkaqet dhe rrethanat e rrëzimit mbeten të paqarta.
Burimi: Blic – mediat serbe. Informacionet janë paraprake dhe në pritje të konfirmimit zyrtar.














