Stoltenberg: BE-ja nuk është për mbrojtje, për këtë është NATO

Sekretari i Përgjithshëm i NATO-s, Jens Stoltenberg thotë se BE-ja nuk mund ta mbrojë Evropën. Në një takim të Këshillit Atlantik me presidentin finlandez, Alexander Stubb shefi i aleancës tha se unioni evropian është për tregtinë dhe ekonominë ndërsa për mbrojtjen është NATO.

“Unë jam një mbështetës i fortë i Bashkimit Evropian. Unë u përpoqa dy herë që Norvegjia të anëtarësohej dhe dështova. Por BE-ja nuk është atje për të mbrojtur, por për tregtinë, mjedisin, ekonominë dhe shumë gjëra të tjera. Por për mbrojtjen aty është Aleanca e NATO-s.

Ne duhet të kuptojmë se BE-ja nuk mund ta mbrojë Evropën. Dhe është një çështje burimesh: 80% e shpenzimeve të mbrojtjes së NATO-s vijnë nga aleatët jo-BE. Ajo nuk ka të bëjë vetëm me Shtetet e Bashkuara, por edhe aleatët e tjerë. Dhe është gjithashtu një pyetje e gjeografisë: Norvegjia dhe Islanda ndoshta nuk janë fuqitë më të mëdha ushtarake në botë, por nëse shikoni hartën ato janë shumë të rëndësishme për lidhjet transatlantike dhe sigurimin e lidhjes së Atlantikut.

Në jug është Turqia, e cila është jashtëzakonisht e rëndësishme për të gjithë kërcënimet në krahun jugor, nga lufta kundër terrorizmit deri te lufta kundër ISIS-it, padyshim që janë Shtetet e Bashkuara dhe Kanadaja.”, u shpreh ai.