Ka përfunduar viti shkollor në shkollat e mesme, filloristët deri me 17 qershor!

Për nxënësit e shkollave të mesme ka përfunduar viti shkollor 2023/2024, ndërsa nxënësit e shkollave fillore, sipas vendimit vjetor për organizimin e mësimit, kanë edhe një javë angazhime deri në pushimet verore, njofton Flaka Media

Përfundimi i vitit shkollor më 17 qershor ishte caktuar për të gjithë nxënësit, por kërkesës së Sindikatës së Nxënësve të Mesme iu përgjigj Ministria e Arsimit dhe Shkencës duke respektuar afatin e 10 qershorit.

“Ligji për arsimin fillorë specifikon numrin e saktë të ditëve të punës (180) në arsimin fillorë. Ligji për Arsimin e Mesëm nuk përcakton detyrim ligjor për numrin e saktë të ditëve të punës. Të gjitha vendimet merren në konsultim me të prekurit. Sindikata e gjimnazistëve ka kërkuar që me përjashtim të pushimeve pranverore, për shkak të procedurave administrative të regjistrimit të fëmijëve në arsimin e lartë, arsimi i mesëm të përfundojë në 10 qershor. Ligji e ka lejuar dhe ne kemi vepruar, tha para dy muajsh ministri i Arsimit dhe Shkencës Jeton Shaqiri.

Për herë të parë këtë vit, nxënësit e shkollave fillore dhe të mesme patën pushim pranveror nga data 29 prill deri më 6 maj 2024.

Maturantët në dy të shtunat e kaluara i janë nënshtruar dy provimeve eksterne nga provimi shtetëror i maturës dhe rezultatet duhet të presin më së voni deri më 8 korrik. Nga ana tjetër, gjysmëmaturantët do të regjistrohen në arsimin e mesëm këtë muaj në afatin e parë të qershorit.

Regjistrimi i nxënësve do të bëhet në dy afate. Sipas konkursit për regjistrim në arsimin e mesëm, regjistrimi i parë elektronik do të bëhet nga data 20 deri më 25 qershor dhe i dyti më 1 dhe 2 korrik. Flaka Media