Politikat e ShBA për Ballkanin/ DASH emëron Tom Sullivan në vend të Derek Chollet

Sekretari i Shtetit Antony Blinken njoftoi se një nga ndihmësit e tij më të lartë po largohet për një detyrë të lartë me Sekretarin e Mbrojtjes Lloyd Austin dhe do të zëvendësohet nga një vëlla i këshilltarit të sigurisë kombëtare të Presidentit Joe Biden.

Tom Sullivan, vëllai i këshilltarit të sigurimit kombëtar të Biden, Jake Sullivan  është emëruar këshilltar në Departamentit amerikan të Shtetit, duke zëvendësuar në këtë post Derek Chollet.

Veterani i çështjeve të sigurisë kombëtare në administratat amerikane do të shkojë si shef do të bëhet shefi i stafit pranë sekretarit të Mbrojtjes!

Sullivan ndërkohë deri më tani ka shërbyer si zëvendësshef i stafit të Blinkenit dhe ka mbajtur këtë pozitë edhe kur John Kerry ka qenë sekretar i Shtetit.

“Tom Sullivan ka njohuri të thella për mënyrën se si formulohet dhe zbatohet politika jonë e sigurisë kombëtare, një njohuri që ai e përdor çdo ditë në emër të popullit amerikan”, tha Blinken përmes një deklarate.

Tom Sullivan ka marrë pjesë në takimet me krerë shtetërorë, ministra të jashtëm dhe udhëheqës botërorë “teksa ne rindërtojmë aleancat dhe partneritetet tona, kundërshtojmë agresionin e Rusisë kundër Ukrainës dhe stabilizojmë lidhet tona me Kinën, por edhe mbrojmë interesat amerikane dhe punojmë për paqe të qëndrueshme, siguri dhe stabilitet në Lindjen e Mesme”, thuhet në njoftim

Derek Chollet në cilësinë e këshilltarit të posaçëm në DASH dhe ka qenë i angazhuar me çështjet që kishin të bënin me rajonin e Ballkanit Perëndimor, por ato në Mianmar dhe Irlandën Veriore.

Ai është angazhuar në vazhdimësi direkt për çështjen e dialogut mes Kosovës e Serbisë, krahas të dërguarit të posaçëm Gabriel Eskobar!