Mitsotakis: Paralajmërojmë fqinjin tonë verior, nuk e nisët mirë duke shkelur si të drejtën ndërkombëtare ashtu edhe detyrimet tuaja

Kryeministri i Greqisë, Kyriakos Mitsotakis, në fjalimin e tij në mbledhjen e grupit parlamentar të Demokracisë së Re, i ka dërguar mesazh dhe paralajmërim Shkupit dhe Tiranës, duke thënë se “po bëjnë llogaritë pa hanxhiun”, njoftoi korrespondenti i MIA-s nga Athina.

Për vendin tonë, pra, siç tha për fqinjët veriorë, Mitsotakis theksoi se ka shkelje të së drejtës ndërkombëtare dhe detyrimeve nga marrëveshjet ndërkombëtare dhe indirekt kritikoi SYRIZA-n opozitare.
“Për ata që vazhdojnë ta glorifikojnë marrëveshjen që ka shumë probleme edhe sot në ngjarje dhe konferenca të ndryshme, le ta shohin sjelljen aktuale të Shkupit, le t’i shohin eksperimentet e tyre problematike në sjelljen aktuale të Shkupit. Këto janë gracka për të cilat kemi paralajmëruar nga foltorja.

Ndërsa tani me fjalë të thjeshta dhe të qarta paralajmërojmë fqinjët tanë veriorë: Nuk e nisët mirë, duke shkelur si të drejtën ndërkombëtare ashtu edhe detyrimet tuaja që rrjedhin nga marrëveshjet ndërkombëtare. Ndaloni së bëri llogari, pa hanxhiun”, tha Mitsotakis dhe shtoi më tej se kjo vlen edhe për Shqipërinë, pas vendimit të djeshëm të gjykatës për dënimin me burg për Fredi Bellerin.

Marrëdhëniet me vendin tonë ka folur edhe nga ministri i Jashtëm i Greqisë, Giorgos Gerapetritis, në intervistën për edicionin qendror të mbrëmshëm të lajmeve të televizionit qipriot “Antena”, kur përsëriti qëndrimet greke.