Ja përse dhimbjet e kokës janë më të zakonshme kur është vapë!

himbjet e kokës në mot të nxehtë ndodhin tetë herë më shpesh. Përveçse e vështirësojnë punën dhe përqendrimin, ato nuk janë aspak të këndshme. Terapistja Polina Shubina shpjegoi pse koka mund të na dhemb shumë kur është vapë. Shkaktari i parë është temperatura e lartë.

Çdo organizëm reagon ndaj nxehtësisë duke zgjeruar enët e gjakut dhe duke rezultuar në një rënie të presionit të gjakut. Kur presioni i gjakut është shumë i ulët, gjaku mjaftueshëm nuk arrin në të gjitha pjesët e trupit. Si rezultat, qelizat nuk marrin mjaftueshëm oksigjen dhe lëndë ushqyese, gjë që mund të jetë shkas për dhimbje koke.

Së dyti, në nxehtësinë që djersijmë, humbasim lëngje dhe minerale të rëndësishme. Rrjedha e gjakut rritet dhe presioni i gjakut ulet, duke shkaktuar kështu dhimbje koke te disa njerëz. Dallimi i madh i temperaturës midis ajrit të jashtëm dhe atij nga hapësirat e mbyllura me ajër të kondicionuar është gjithashtu një shkaktar i mundshëm për dhimbje koke.

Nëse diferenca është më shumë se pesë gradë, rekomandohet të vishni një shtresë shtesë veshjesh për t’ju mbajtur ngrohtë derisa trupi juaj të ambientohet me temperaturat më të ulëta. Pini mjaft lëngje, shmangni qëndrimin në vende të mbyllura, vishni materiale të lehta dhe të ndritshme. Nëse vuani nga presioni i lartë i gjakut, mos harroni të merrni ilaçin tuaj, bëni dush me ujë të vakët në të ftohtë dhe shmangni qëndrimin jashtë ndërmjet orës 10:00 dhe 17:00, kur dielli është më i fortë.

Dhimbjet e migrenës janë të forta dhe përcëlluese sa duket sikur nuk mbarojnë kurrë. Sikur të mos mjaftonte kjo, migrena duket se është shkaktare e një sërë sëmundjesh të tjera. Një e treta e njerëzve që vuajnë nga migrena përjetojnë shtrembërim dhe mjegullim të shikimit por edhe mpirje të fytyrës dhe duarve. Gratë nga 35 deri në 45 vjeçe që vuajnë nga migrena janë më të rrezikuara të preken nga ishemia. Migrena është faktor i lartë rreziku i sëmundjeve të zemrës, thonë ekspertët. Ata rekomandojnë që njerëzit që vuajnë nga migrena të mos pijnë duhan dhe të mos marrin hormone apo kontraceptivë.