Von der Leyen, Ramës: Shqipëria në rrugë të duhur për t’u bërë anëtare e BE-së – e arsyeshme të mos kemi një datë

Botuar nga Driton Zenku 23 Tetor, 2024 20:04

Presidentja e Komisionit Evropian, Ursula von der Leyen, pas takimit që ka pasur me kryeministrin e Shqipërisë, Edi Rama, në Tiranë, ka thënë se zgjerimi i BE-së do të vazhdojë të jetë edhe në mandatin e saj të ardhshëm si temë me prioritet.

Ajo e përgëzoi Ramën, për siç tha, punën e mirë që e ka bërë Shqipëria për agjendën e reformave, teksa shtoi se BE-ja duhet të nis me parafinancimin nga Plani i Rritjes, ku Shqipëria do të përfitojë 64 milionë euro deri në fund të vitit.

“Ka një vit kur ka filluar puna dhe shumica e vendeve të Ballkanit Perëndimor e kanë gati agjendën e reformave. Shqipëria është një prej këtyre vendeve. I dashuri Edi, ju dhe ekipi i juaj keni bërë një punë të shkëlqyer për agjendën e reformave”.

“Duhet të fillojmë me parafinancimin prej 64 milionë eurove deri në fund të vitit. Gjithsej Shqipëria do të marrë më shumë se 920 milionë euro nga Plani i Rritjes. Ky plan do të sjell edhe rezultate konkrete të tjera. Ju jeni në rrugën e duhur për t’u bërë pjesë e Zonës Unike në Euro që prej vitit të ardhshëm”, tha von der Leyen, transmeton Klankosova.tv.

Ajo më tej iu drejtua Ramës, duke thënë se “Shqipëria është në rrugën e duhur për t’u bërë anëtare e Bashkimit Evropian”, por që nuk dha një datë se kur do të ndodhë kjo.

“Procesi varet nga meritat e cççdo vendi dhe kjo është e rëndësishme për shtetet anëtare. Me Shqipërinë kemi një shembull të shkëlqyer. Gjërat kanë ecur shpejt dhe në rast se gjërat ecin sic duhet, ne do të hapim të gjithë grup-kapitujt deri në fund të vitit të ardhshëm”.

“Prandaj, është e arsyeshme që të mos kemi një datë të saktë, por duhet bërë e gjithë puna për t’u bërë shtet anëtar dhe ky proces varet nga merita e çdo vendi”, tha ajo.

Botuar nga Driton Zenku 23 Tetor, 2024 20:04

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.