Mickoski: BDI, në vend që të kërkojë kthimin e të arratisurit nga drejtësia Grubi, vazhdon me përçarjen e popullit

“Qeveria ka legjitimitet prej më shumë se 600 mijë qytetarë të cilët më 8 maj e dhanë votën e tyre. Kjo është ndoshta një nga Qeveritë e rralla e cila ka afër 80, ndoshta edhe më shumë se 80 deputetë mbështetje në Kuvend. Po, është e saktë, kjo Qeveri është pa Bashkimin Demokratik për Integrim dhe ne këtë e kemi thënë dhe kur ne flisnim për këtë treguam edhe arsyet pse kjo është kështu,” theksoi Kryetari i Qeverisë së Republikës së Maqedonisë së Veriut, Hristijan Mickoski, sot në përgjigje të pyetjes gazetareske lidhur me konstatimin e partisë opozitare BDI, prej ku theksuan se Qeveria nuk ka legjitimitet etnik.

Ndër të tjera, kryeministri deklaroi se mesazhet e tilla politike, pavarësisht nga përkatësia etnike, populli i mençur i refuzon. Edhe pse nga BDI-ja opozitare vazhdojnë të përçajnë popullin, në vend që të kërkojnë falje dhe të kërkojnë që të kthehen të arratisurit nga drejtësia.

“Shoh se nga atje ende sikur nuk e kanë mësuar leksionin. Në mungesë të çfarëdo ideje tjetër që do të nënkuptonte një jetë më të mirë për qytetarët, ata përpiqen t’i polarizojnë qytetarët dhe mendojnë se një politikë e tillë u sjell rezultate. Unë mendoj se e gjithë kjo është e gabuar dhe kjo shihet, në matjet e opinionit publik. Por mirë, nëse ata mendojnë se kështu duhet të vazhdojnë të punojnë, le të punojnë, është puna e tyre. Në vend që të kërkojnë falje dhe të kërkojnë që i arratisuri nga drejtësia, përkatësisht të arratisurit nga drejtësia, të kthehen, ata vazhdojnë ende të përçajnë popullin. Por populli është i mençur, pavarësisht nga përkatësia etnike, populli është i mençur dhe këto mesazhe politike nga opozita i refuzon dhe kjo është mirë, dhe kështu do të vazhdojë edhe në të ardhmen,” shpjegoi kryeministri Mickoski.