Zjarri në Vrapçisht, një zjarrfiks ka rënë nga shkallët dhe është lënduar | VIDEO

Një depo e prodhimit të poliesterit mbrëmë ka marrë flakë në fshatin Negotinë të Komunës së Vrapçishtit. Siç njoftojnë nga Qendra për Menaxhimin e Krizave, ka intervenuar njësiti i zjarrfikësve të Gostivarit dhe Tetovës, me ç’rast është lënduar një zjarrfikës. Gjatë shuarjes së zjarrit, ai ka rënë nga shkallët dhe ka pësuar lëndime, për çka është dërguar në Qendrën Emergjente në Spitalin Klinik në Gostivar.

“Zjarrfikësit e Gostivarit kanë intervenuar me nëntë zjarrfikës dhe tri vetura”. Është kërkuar dhe pranuar ndihmë nga Zjarrfikësit e Tetovës me katër zjarrfikës dhe një veturë. Është një magazinë e prodhimit të poliestrit, e cila përbëhet nga tre objekte, dy prej të cilave janë djegur plotësisht dhe i treti pjesërisht”, tha QMK.

Zjarri është lokalizuar në orën 05:30, por ende ka prush dhe tym, për këtë arsye zjarrfikësit janë në vendngjarje. Nuk dihen shkaqet e zjarrit.

Merr flakë depoja e poliesterit në Vrapçisht, është lënduar një zjarrfikës

Gjatë natës ka shpërthyer zjarr në një depo për prodhimin e poliesterit në fshatin Negotinë, Komuna e Vrapçishtit, informoi Qendra për Menaxhim me Kriza.

Në shuarjen e zjarrit që shpërtheu nga ora 1 pas mesnate kanë intervenuar nëntë zjarrfikës nga Gostivari me tre automjete zjarrfikëse. Për të ndihmuar janë dërguar edhe katër zjarrfikës me një automjet zjarrfikës nga Njësiti zjarrfikës nga Tetova, të cilët kanë intervenuar deri në ora 4 të mëngjesit.

Gjatë shuarjes së flakëve të zjarrit, një nga zjarrfikësit është rrezuar nga shkallët dhe është lënduar. Është dërguar në Qendrën urgjente në Spitalin klinik në Gistovar.

Sipas informatave të QMK-së, dy nga tre objektet në depo tërësisht janë kapur nga flakët, ndërsa i treti pjesërisht.

Zjarri është lokalizuar në orën 5:30 të mëngjesit, por zjarrfikësit e Gostivarit ende janë në terren për shkak se ka prush dhe tym në objektet e depos. Arsyet për zjarrin tani për tani nuk janë bërë të ditura.