VLEN kërkon drejtësi dhe transparencë në shkarkimin e kryeprokurorit

Koalicioni VLEN gjithmonë do të jetë zëri i popullit për reforma dhe drejtësi në këtë shtet! Nisma për shkarkimin e Kryeprokurorit Lupço Kocevski është plotësisht legjitime dhe e domosdoshme për rikthimin e besimit në drejtësi! Siç është theksuar edhe më herët nga përfaqësuesit e koalicionit VLEN, ky vendim është i bazuar në tri faktorë kryesorë:

1. Përputhshmëria me frymën e faktorit ndërkombëtar dhe partnerëve strategjikë, të cilët kërkojnë ndërhyrje aty ku ka shkelje të qarta ligjore dhe mungesë transparence.

2. Kriza e besimit të qytetarëve në sistemin gjyqësor, e cila ka arritur në nivelin më të ulët që nga vitet ’90 dhe e bën të domosdoshme një reformë të thellë dhe të menjëhershme.

3. Shkeljet e njëpasnjëshme ligjore nga ana e kryeprokurorit aktual, të cilat kanë krijuar një situatë të papranueshme dhe e kanë bërë të pashmangshme kërkesën për shkarkimin e tij.

Gjatë kohës së mandatit të Lupço Kocevskit dhe prokurorit publik Islam Abazi, u liruan edhe të dënuarit për ngjarjet e 27 prillit, duke dëmtuar më tej besimin e qytetarëve në sistemin e drejtësisë.

Koalicioni VLEN mbetet i përkushtuar për të siguruar që emërimi i kryeprokurorit të ri të bazohet në kritere të qarta profesionale dhe të jetë një figurë e pakomprometuar, që do të kontribuojë në forcimin e drejtësisë dhe rikthimin e besimit të qytetarëve në institucionet shtetërore.

Ne do të vazhdojmë të ndjekim nga afër këtë proces dhe të sigurojmë që ai të zhvillohet në përputhje me interesat e qytetarëve dhe parimet e një shteti të së drejtës.