Shkëmbim i përvojave në fushën e reformave në shëndetësi me Slloveninë

Ministri i Shëndetësisë, z. Arben Taravari, është duke qëndruar për vizitë zyrtare me ministren e Shëndetësisë së Sllovenisë, znj. Valentina Prevolnik Rupel në Slloveni. Në shoqërim të z. Taravari është prof. Ph.D. Nikolla Jankulovski, anëtar i Këshillit të Shëndetësisë, prof. Ph.D. Ognen Kostovski, drejtor i Klinikës Universitare për Kirurgji Gastrointestinale ISHP, Dr. Idriz Orana, zëvendës Kryetar i Këshillit Shëndetësor, Qendra Mjekësore për Kirurgji Plastike dhe Rikonstruktive.  

Gjatë vizitës së tyre zyrtarët po marrin pjesë edhe në një panel diskutimi ku do të diskutohet rreth temave siç është: Shkëmbimin e përvojave në fushën e reformave në shëndetësi; Shkëmbimi i përvojave në fushën e zhvillimit të strategjisë së shëndetit publik; Mundësitë e bashkëpunimit të mëtejshëm, veçanërisht në fushën e sigurimeve shëndetësore; dhe mundësia e forcimit të bashkëpunimit në trajtimin e sëmundjeve kronike jo të transmetueshme.

Marrëdhëniet mes dy vendeve janë të shkëlqyeshme dhe është e rëndësishme që ky bashkëpunim të kultivohet dhe rritet edhe më shumë. Sllovenia është vend mik i yni dhe ka përkrahur Maqedoninë e Veriut në procese të rëndësishme për vendin.

Të dy popujt mes vete janë të lidhura fortë me njëri tjetrin. Ne jemi të interesuar të thellojmë edhe më shumë këtë bashkëpunim.

Gjithashtu Taravari ka njoftuar se ka shprehur konsideratën e tij të lartë për sistemin shëndetësor slloven, i cili është ndër më të zhvilluarit në rajon.

“Me znj. Ministre u dakorduam që të kemi bashkëpunim në disa sektorë shëndetësorë. Në këtë takim shumë të frytshëm ishin të pranishëm edhe prof. Ognen Kostovski, prof. Nikola Jankulovski dhe dr. Idriz Orana”, ka shkruar Taravari.