Shantazhohet stomatologu nga Shkupi
Botuar nga Flaka
Një stomatolog nga Shkupi ka qenë pre e një shantazhi nga dy persona, të cilët pas një termini të caktuar kontrolli ata kanë bërë kërcënime dhe kanë shantazhuar se në rast se nuk do të paguante një shumë parash do t’i publikonin një video intime.
Prokuroria Themelore e Shkupit tashmë ka ngritur kallëzim penal ndaj dy shantazhuesve.
“I dyshuari i ka treguar stomatologut një videoklip me përmbajtje gjoja komprometuese dhe ka kërkuar 5000 euro për të mos e publikuar videon. Në momentin që stomatologu ka filluar të regjistrojë bisedën, i dyshuari e ka vërejtur dhe i ka marrë telefonin, e ka fshirë regjistrimin dhe e ka larguar me forcë stomatologun nga zyra”, thonë nga prokuroria.
Prokurori publik, për shkak të seriozitetit të ngjarjes, ka propozuar që ndaj të dyshuarit të parë të caktohen masa të sigurimit, si sekuestrimi i përkohshëm i dokumentit të udhëtimit, ndalim për afrim apo kontakt me të dëmtuarin, si dhe detyrim për paraqitje në organin kompetent”, shtoi prokuroria. Aktualisht po merren masa për zbardhjen e identitetit të të dyshuarit të dytë
Botuar nga Flaka
2,8 miliardë euro në bixhoz: simptomë e një shoqërie në pasiguri – Çfarë flet sociologjia për fenomenin?
