Të folurit në gjumë: fenomen i zakonshëm, jo problem shëndetësor

Shumë njerëz kanë përjetuar ose dëgjuar dikë që flet në gjumë. Ky fenomen, i njohur si somniloki, është i zakonshëm dhe zakonisht nuk përbën problem shëndetësor. Studimet të cilave u referohet AgroWeb.org tregojnë se të folurit në gjumë janë fjali të shkurtra, shpesh pa kuptim, që zgjasin vetëm një ose dy sekonda.

Çfarë është të folurit në gjumë?

• Mund të jetë një mërmëritje ose edhe një dialog i shkurtër, pa kuptim të plotë.
• Shfaqet më shpesh te fëmijët dhe meshkujt.
• Ndodh si në fazën REM (kur shihen ëndrrat), ashtu edhe në fazën jo-REM.

Shkaqet kryesore

• Tek të rriturit: stresi, depresioni, pagjumësia, alkooli.
• Tek fëmijët: shpesh lidhet me temperaturën.
• Mund të jetë edhe trashëgim ose të ketë lidhje me probleme të tjera si apnea e gjumit, somnambulizmi apo çrregullime të tretjes.

Kur duhet vizitë mjekësore?

Nëse të folurit në gjumë është shumë i shpeshtë dhe prish cilësinë e gjumit, rekomandohet të konsultoheni me një mjek. Në disa raste mund të lidhet me probleme psikologjike.

Parandalimi

• Ruani një rutinë të mirë të gjumit.
• Mos konsumoni alkool, kafe ose ushqime të rënda para gjumit.
• Shmangni stresin dhe mos flini shumë vonë.
• Kujdes me përdorimin e pilulave për gjumë, pasi mund të kenë efekte anësore.

Ky fenomen mbetet kryesisht i padëmshëm, por kujdesi ndaj stilit të jetesës dhe gjumit mund të ndihmojë në reduktimin e tij.

Flaka