Data 11, liderët e Frontit Evropian dalin para Gjykatës Kushtetuese: Po rezikohet gjuha shqipe

Kryetari i BDI-së Ali Ahmeti në fjalimin e tij nga tenda ku po qëndrojnë protestuesit “Rojet e gjuhës” ka theksuar se jemi këtu para kësaj gjykate sepse po na rezikohet gjuha jonë e cila na është e garantuar dhe me një proces dialogues.

 Ahmeti nga sheshi i Shkupit ka dërguar disa porosi në drejtim të kryeministrit Hristjan Mickovski duke theksuar se ky shtet është i përbashkët dhe mos guxoni të prekni aty ku na dhemb më së shumti sepse për këtë është derdhur gjak.

Kryetari i Aleancës për Shqiptarët, Ziadin Sela sot i është bashkuar qytetarëve shqiptarë që po qëndrojnë para gjykatës kushtetuese ku po qëndrojnë qindra qytetarë duke iu drejtuar të pranishmëve Sela tha se gjuha jonë është gjuha më e vjetër e që njeh civilizimi. Sela apeloi se ju themi se është mirë të heqin dorë dhe të mos nxisin tensione ndëretnike sepse kjo nuk kontribuon në ndërtimin e shtetit multietnik.

 Sela ka apeluar pushtetin dhe gjykatën kushtetuese që të ndalin këtë hov antishqiptarë sepse për këto të drejta që ne gëzojmë sot kemi njerëz dhe familjarë tanë që kanë dhënë më sublimen jetët e tyre, andaj mos na detyroni që sërish ti mbrojmë këto të drejta.

Krytari i PDE-së, Arjanit Hoxha nga tenda ku po qëndrojnë qidra protestues para gjykatës kushtetuese për të mbrojtur gjuhën shqipe ka theksuar se do të qëndrojnë aty deri në momentin e kur do të kenë garanci se gjuha shqipe nuk do të preket pasi kjo gjykatë për të tretën herë është gjenerator i tensioneve ndëretnike dhe kthimin e asaj që ne ekmi fituar me mund.