Fetai: Prokuroria e ka obligim ligjor që ta thërrasë në pyetje Ahmetin

Zëvendëskryeministri, Arben Fetai fton Prokurorinë që ta marr në pyetje kreun e BDI-së, Ali Ahmetin sepse ky i fundit në një deklaratë publike tha se ka njohur për vendndodhjen e Artan Grubit.

Sipas Fetait, prokuroria ka obligim ligjor ta thërras në pyetje Ahmetin.

“Ali Ahmeti deklaroi se ka njohuri për vendndodhjen e Artan Grubit, për të cilin ka një fletarrest ndërkombëtar. Prokuroria publike, në bazë të kësaj deklarate publike, ka për obligim ligjor ta thërrasë në pyetje z. Ali Ahmeti për ta pyetur se ku ndodhet personi që ndiqet nga drejtësia e vendit”, ka shkruar Fetai. Ndryshe, kreu i BDI-së, Ali Ahmeti thotë se Artan Grubi nuk është në arrati, pasi është në trojet shqiptare, duke i dhënë konotacion entik arratisë së numrit dy të deridjeshëm të partisë. Në një deklaratë nga Prishtina, Ali Ahmeti, foli në emër të Grubit, duke thënë se ai është i gatshëm të përgjigjet, por jo me drejtësi selektive.

“Zotëri Grubi, sipas informatave që i kam, nuk e kam takuar, është mirë. Vendndodhja e tij akoma është, sigurisht që është dikund në hapësirat shqiptare. Është një proces që duhet të marrë epilog. Artan Grubi nuk është arratis nga Maqedonia, Artan Grubi është i gatshëm të përgjigjet para organeve të drejtësisë, të respektojë ligjet, por jo me drejtësi hakmarrëse e selektive”, deklaroi Ali Ahmeti, Kryetar i BDI-së.